Zaj nyeem hnub tim 9 lub 2 hlis 2026
Hnub Ob, Lis Piam 5 caij Nyob Nruab Xyoo
Cov lus nyob hauv Mas Kos Ntawv Moo Zoo ((MK 6: 53-56)
Kwv tij sawv daws, peb neeg ntiaj teb sawv daws puav leej yog Tswv Ntuj me nyuam, uas nws yog nws Tswv Tsim tus Tswv Tso los, nws yeej hlub peb thiab khuv leej peb kawg nkaus, txawm tus neeg paub nws thiab tsis tau paub nws los nws yeej hlub, thiab xav pab lawv. Huab Tais Yes Xus coj tus yam ntxwv qhia txog Huab Tais Tswv Ntuj lub siab hlub neeg rau peb zoo li cas. Nws paub qhov tob nyob rau hauv peb lub siab, nws paub txog peb txoj kev ntshaw, nws xav cawm peb sawv daws, kom peb dim ntawm peb tej kab mob, los yog tej kev nyuaj siab ntxhov plawv. Thov kom peb qhib siab thiab txais Huab Tais Yes Xus tuaj nyob hauv peb lub neej txhua txhia hnub mog, ces peb yuav pom Tswv Ntuj lub Ceeb Tsheej, thiab peb yuav paub txog nws txoj kev nyiam kev hlub peb.
