Zaj nyeem hnub tim 8 lub 5 hlis 2026
Hnub Rau, Lis Piam 5 caij Hla
Cov lus nyob hauv Zam Ntawv Moo Zoo (Z 15: 12-17)
Kwv tij sawv daws, kev ua lub neej yuam kev, yog qhov uas neeg keev ua keev ntsib, yog tej yam uas peb hla tsis dhau, tiam sis, tus uas paub tias, nws yuav kev lawm, nws hloov nws lub siab tig rov los ua zoo, yog tus muaj txoj kev ntseeg thiab tso siab rau Ntuj, thiab yog Tswv Ntuj lub txiaj ntsim, uas nws pub rau nws cov thwj tim. Tsis yog kev mloog lub Ntuj lus thiab coj lub neej raws Yes Xus txoj lus xwb, tiam sis, Huab Tais tseem pub kom peb tau los ua Yes Xus cov phooj ywg, kom xwv peb paub txog Tswv Ntuj txoj hauj lwm tseem ceeb tias, peb yuav ua dab tsi, thiab thaum kawg peb yuav tau dab tsi. Qhov no qhia tau tias, Huab Tais Yes Xus hlub peb, nws tso siab rau sawv daws uas yog nws cov thwj tim, kom ua ib co tub tshaj Ntuj lus, tshaj txog Yes Xus lub Moo Zoo rau ntiaj teb neeg sawv daws.
Kwv tij sawv daws, Huab Tais Yes Xus hais tias, peb yuav sib nyiam sib hlub, xws li Yes Xus tau nyiam thiab hlub peb, thov kom peb coj rawv Yes Xus lub Moo Zoo mog.
Nyob zoo.
