Zaj nyeem hnub tim 4 lub 5 hlis 2026
Hnub Ob, Lis Piam 5 caij Hla
Cov lus nyob hauv Zam Ntawv Moo Zoo (Z 14: 21-26)
Kwv tij sawv daws, neeg ntiaj teb txoj kev xav thiab txoj kev ntshaw, tsuas yog yus pom luag muaj yam ub yam no, ces yus ntshaw kom yus muaj li luag xwb, yam li liaj ia teb chaws, ciam dej ciam av nkoj tsheb nyiaj txiag, ib puas tsav yam uas hais lo no, peb yuav tsum xyuam xim, vim tej no, yog qhov uas yuav khuam peb kev, thaiv peb qhov muag ua rau peb ntsia tsis pom Tswv Ntuj txoj hau kev thiab kuj muaj. Qee zaus yuav ua rau peb cov tub tshaj Ntuj lus yuam kev rau tej yam zoo li no. Li ntawd, peb yuav tsum xyuam xim.
Leej Ntshiabj Paj Lus kuj qhia txiav meej kom peb tsis txhob yuam kev rau tej yam nyob ntiaj teb no, hos Huab Tais Yes Xus yeej qhia meej tias ; leej twg nyiam kuv, nws yuav ua raws li kuv cov lus qhia, uas muaj Leej Ntuj Plig Ntshiab coj nws kev, ces nws yuav tsis yuam kev.
Kwv tij sawv daws, peb los thov Leej Ntuj Plig Ntshiab kom nws coj peb kev thiab qhia qhov tseeb nyob rau hauv peb lub siab thiab peb lub tswv yim kom peb coj lub neej raws li Tswv Ntuj cov lus qhia, kom peb txhob yuav kev, qaug raws li lub qab ntuj neeg kev ntshaw.
Nyob zoo sawv daws.
