ZAJ NYEEM HNUB TIM 29 LUB 3 HLIS 2024
HNUB RAU NTSHIAB
COV LUS NYOB HAUV ZAM NTAWV MOO ZOO (ZM 18: 1-19: 42)
Kwv tij Hmoob sawv daws, Ntawv Moo Zoo hnub no mas peb hais tias ‘Huab Tais Yes Xus txoj kev txom nyem’, yog cov xwm piav txij thaum Huab Tais Yes Xus raug ntes mus txog thaum Huab Tais Yes Xus tuag. Tus Hauv Paus Xa Lus Zam piav kom peb pom tseeb tias Huab Tais Yes Xus yog tus vaj muaj koob meej, Huab Tais Yes Xus yog tus vaj kav nws tsoom pej xeem nyob hauv txoj kev nyiam; nws yeem muab tas nws txoj sia los theej nws tsoom neeg.
Kwv tij Hmoob, Huab Tais Yes Xus lub theej kiab yog tus Ntoo Cuam, tsos yog lub tog zaum plooj kub ci daj lug. Huab Tais Yes Xus lub kaus mog vaj yog lub kauj pos, tsis yog lub kaus mom nyiaj ci ntsa iab. Huab Tais Yes Xus lub hwj chim yog kev nyiam, tsis yog kev tsim txog. Huab Tais Yes Xus lub zog tsa sawv daws, tsis yog tsuj tuag nthi. Huab Tais Yes Xus lub koob meej yog kev tuag, tsis yog neeg cov lus cav lus qhuas.
Kwv tij Hmoob, ntawm peb cov neeg ntseeg mas kev tuag tsis yog neeg lub qhov xaus; tab sis kev tuag yog lub qhov rooj hla mus txais txoj sia tshiab. Li ntawd, nyob hauv hmo no Huab Tais Yes Xus thiaj hla lub qhov rooj no mus txais txoj sia tshiab tab tom tuaj yuav txog. Peb yuav nrog Huab Tais Yes Xus hla ua ke.
Nyob zoo sawv daws.
