ZAJ NYEEM HNUB TIM 28 LUB 10 HLI 2025
HNUB UA HMOOV LEEJ NTSHIAB XIS MOOS THIAB YUS DAS
COV LUS NYOB HAUV LUS KAS NTAWV MOO ZOO (LK 6: 12-19)
Kwv tij sawv daws, nyob rau hauv zaj no, peb yuav pom tias, txhua tus neeg uas tuaj nrhiav Huab Tais Yes Xus tsis hais tus laus los tus hluas, tus muaj los tus pluag, tus ruam los tus ntse, nyob rau hauv Ntawv Moo Zoo qhia tias ; tus twg khwv thiab qaug zog, los yog muaj kev nyuaj siab ntxhov nplawv, vim raug kab mob kev nkeeg, vim raug dab phem tsim txom, txhua tus neeg uas los cuag Huab Tais, yuav tau txais kev cawm, yuav tau ntsib kev sov siab, vim Huab Tais khuv leej lawv, Huab Tais kho lawv txhua tus neeg kom zoo hlo, nws pab daws lawv tej kev nyuaj siab ntxhov nplawv. Qhov no yog txoj hau kev uas Huab Tais qhia kom peb txawj sib nyiam sib hlub sib pab. Huab Tais tsis yog hais ntawm lub ncauj xwb, tiam sis, nws ua rau peb ntsia kom peb pom tseeb tias, Tswv Ntuj txoj kev hlub neeg zoo li cas. Li ntawd, thov kom peb sib nyiam sib hlub thiab sib pab mog.
Nyob zoo sawv daws.
