ZAJ NYEEM HNUB TIM 27 LUB 8 HLI 2025
HNUB NCO TXOG LEEJ NTSHIAB MOS NIS KAS
COV LUS NYOB HAUV MAS TAIS NTAWV MOO ZOO (MT 23: 27-32)
Kwv tij sawv daws, Huab Tais Yes Xus siv lo lus zoo thiab lo lus muag los hais rau cov neeg txhaum, cov neeg txom nyem, vim nws xam pom qhov tseeb, nws pom tias lawv yog ib co neeg ncaj neeg zoo. Tab sis cov Fas Lis Xais thiab cov Kws Ntawv Ntshiab, Huab Tais Yes Xus siv tej lo lus hnyav, nws hais tias “Neeg zoo saum daim tawv, nej txoj hmoov phem.”
Vim Yes Xus ntsia pom qhov tseeb txog qhov tsis ncaj, lawv txoj kev ntxias dag, lawv yog neeg zoo saum daim tawv, sab nraud mas luag saib lawv zoo tas nrho, tiam sis, sav hauv lawv lub siab, mas lwj dhi, qhia neeg tsis muaj ib qho zoo.
Huab Tais Yes Xus qhia kom peb coj lub neej ua neeg ntseeg zoo, peb yuav tsum ua neeg ntshiab dawb huv tiag tiag, peb yuav ua neeg me los tsob hwb luag tej, tsis txhob mus thuam luag, saib tsis taus luag zoo li cas cov Kws Ntawv Ntshiab thiab cov Fas Lis Xais.
Nyob zoo sawv daws.
