ZAJ NYEEM HNUB TIM 27 LUB 4 HLIS, HNUB XYA LUB LIS PIAM 4 CAIJ HLA
COV LUS NYOB HAUV ZAM NTAWV MOO ZOO (Z 14: 7-14)
Cov kwv tij, Huab Tais Yes Xus hais tias ‘yog nej paub kuv, mas nej kuj paub kuv Txiv thiab. Tus twg pom kuv, mas nws pom Leej Txiv.’
Kwv tij, peb puas ntseeg li Huab Tais Yes Xus hais ntawd?
Huab Tais Yes Xus kuj hais ntxiv tias ‘txawm li cas los, nej yuav tsum ntseeg, vim kuv cov hauj lwm.’
Kwv tij, peb niaj hnub kawm Yes Xus lub neej, mloog Yes Xus lub Moo Zoo mas peb pom tias Huab Tais Yes Xus tau ua ntau yam hauj lwm pab kho cov neeg mob thiab tsa tej tus neeg tuag rov sawv, tshwj xeeb mas yog Huab Tais Yes Xus yeem raug txom nyem saum Ntoo Cuam thiab nws sawv rov los. Peb paub li ntawd, ces peb ntseeg tias Huab Tais Leej Txiv nyob ntxawm hauv Huab Tais Yes Xus tiag.
Huab Tais Yes Xus kuj tau hais ntxiv tias ‘tus ntseeg txog kuv, nws kuj yuav ua cov hauj lwm kuv ua. Nws kuj yuav ua tej yam loj dua thiab.’
Txhais tias peb cov tau los ntseeg Huab Tais Yes Xus lawd, mas peb yuav ua raws Huab Tais Yes Xus cov hauj lwm, yog nyiam thiab hlub lwm tus.
