Zaj nyeem hnub tim 24 lub 4 hlis 2026
Hnub nco txog Leej Ntshiab Fis Des Lis
Cov lus nyob hauv Zam Ntawv Moo Zoo (Z 6: 52-59)
Kwv tij sawv daws, Huab Tais Yes Xus hais tias : Huab Tais Yes Xus lub cev nqaij thiab nws cov ntshav, yog cov mov yug txoj sia tseeb tiag. Qhov no yog lub ntsiab uas Huab Tais Yes Xus xav kom peb tau koom ua ib tug nyob nrog Huab Tais Yes Xus mus li. Kom xwv peb ciaj sia nyob hauv Huab Tais. Peb yuav tsum noj Huab Tais lub Cev thiab haus nws cov ntshav, uas yog lub cim Yug ntawd, peb thiaj yuav muaj txoj sia nyob hauv Huab Tais Yes Xus. peb tsoom ntseeg peb yuav tsum lees tias, peb tsis yog noj zaub noj mov yug peb lub cev nqaij kom muaj zog xwb, tiam sis, peb tseem yuav noj cov mov uas yug peb tus ntsuj plig thiab, qhov ntawd yog Huab Tais Yes Xus lub cev thiab cov ntshav, uas nyob rau hauv lub Cim Yug. Kev uas qhia tias, peb yuav tsum mus teev Ntuj txhua txhia hnub Chiv thiab txais lub Cim Yug ntawd, yog peb yuav tsum tuaj mus txais cov mov yug peb tus ntsuj plig thiab. Kom xwv peb thiaj tau Huab Tais txoj sia nyob mus li los ua peb tug.
Nyob zoo.
