ZAJ NYEEM HNUB TIM 24 LUB 10 HLI 2025
HNUB NCO TXOG LEEJ NTSHIAB ZAM MAB LIAB KHAS VES
COV LUS NYOB HAUV LUS KAS NTAWV MOO ZOO (LK 12: 54-59)
Kwv tij sawv daws, nyob rau hauv zaj no, peb hnov Huab Tais Yes Xus yws cov His Xais Lais tias : lawv siv lawv lub tswv yim thoob tsib uas Tswv Ntuj pub rau lawv, coj los ntsuas dej ntsuas av, ntsuas huab cua, tau raug kawg nkaus, tiam sis, lawv zoo li cov neeg dig muag uas lawv ntsia tsis pom lub cim tseem ceeb ntawm lub sij hawm, lawv ntsia tsis pom tias, Huab Tais Leej Pleev uas lawv niaj hnub tos, nyem no nws twb tau nqes los lawm, txoj kev cawm twb los txog lawm. Huab Tais Yes Xus xav qhia kom lawv to taub txog qhov tseeb. Txog lub sij hawm uas yuav txiav txim siab kom meej, kom lawv txawj txiav txim ncaj, yog thaum yuam kev lawm yuav tsum txawj tig rov qab, yog lawv xam pom tias, ua txhaum rau Ntuj lawm, kuj yuav tig rov los thov Ntuj zam txim thiab cog kev sib haum xeeb nrog Tswv Ntuj, hos yog lawv tau ua txhaum rau lawv tej kwv tij phooj ywg lawm, kuj rov tig los sib kho kom haum, txhob tos txog hnub kawg, uas tau mus nyob rau ntawm Tswv Ntuj xub ntiag, lub sij hawm yuav lig dhau lawm.
Nyob zoo sawv daws.
