ZAJ NYEEM HNUB TIM 22 LUB 10 HLI 2025
HNUB NCO TXOG LEEJ NTSHIAB VAJ QHIA ZAM PAJ LUG OB
COV LUS NYOB HAUV LUS KAS NTAWV MOO ZOO (LK 12: 39-48)
Kwv tij sawv daws nyob rau hauv zaj no, Huab Tais Yes Xus hais txog tus tub txiv pheej xeeb nws coj zoo li cas?
Tus tub txib pheej xeeb yuav tsum coj ncaj thiab xyuam xim, nws yuav saib xyuas nws lub luag hauj lwm uas tus Tswv muab rau nws kom zoo.
Nyob rau hauv lub Cim Ntxuav peb tsoom ntseeg sawv daws, puas leej tau los ua Tswv Ntuj ib tug tub txib. Nyob rau hauv ntawv Moo Zoo, nyob rau ntawm peb kev ua Huab Tais Yes Xus ib tug thwj tim, tsis hais cov Txiv Plig, cov leej phauj, cov xib hwb, los yog tsoom ntseeg sawv daws, nyias muaj nyias lub luag hauj lwm uas nyias yuav tsum ua. Tsis yog lub luag hauj lwm loj, tsis yog hauj lwm khwv nyiaj, tiam sis, yog ib lub luag hauj lwm muaj txiaj ntsig rau yus tus kheej thiab rau neeg sawv daws, peb yuav ua Tswv Ntuj cov tub txib, muaj lub siab dawb siab zoo, raws li peb tus Tuam Xib Hwb, uas yog Huab Tais Yes Xus Pleev, peb yuav xyiv fab ua Tswv Ntuj txoj hauj lwm kom zoo, ua ib co tub txib pheej xeeb, nyob rau hauv peb lub neej, peb yuav tsob hwb Tswv Ntuj thiab tsob hwb peb tej kwv tij phooj ywg. Peb yuav ua Tswv Ntuj tes hauj lwm tshaj lub Moo Zoo raws li peb lub peev xwm uas Tswv Ntuj pub rau peb. Huab Tais Yes Xus hais tias : “Tus uas Ntuj pub ntau rau nws, Ntuj kuj yuav taij ntau ntawm nws rov qab. Tus uas Ntuj pub ntau yam rau nws ceev, mas Ntuj kuj yuav kom nws xa ntau dua rov qab.
Nyob zoo sawv daws.
