Zaj nyeem hnub tim 21 lub 3 hlis 2026
Hnub Xya, Lis Piam 4 caij Plaub Caug
Cov lus nyob hauv Zam Ntawv Moo Zoo (Z 7: 40-53)
Kwv tij sawv daws, nyob rau hauv zaj no, piav txog lub caij cov His Xas Lais ua cov kab ke nqaum paj nqaum nruas tsa tsev tsam phooj, Yes Xus nrog cov thwj tim mus pem Yes Lus Xas Les, muaj ib txhia cov Yus das lawv pom Yes Xus lawv xav nrhiav teeb meem rau Huab Tais Yes Xus, tab sis, thaum lawv hnov Yes Xus cov lus qhia, yog ib co lus tuaj saum Ntuj tuaj, tab sis, lawv tsis lees. Lawv tseem xav nrhiav kev muab Yes Xus tua.
Lub ntsiab tseem ceeb nyob rau zaj no kuj yog qhia kom peb pom tias, kev tshaj Ntuj lus, nyob rau hauv peb lub neej kuj tsis yooj yim, vim muaj ib txhia neeg cov tsis hwm Ntuj, ces lawv ntxub cov neeg ntseeg, thiab xav nrhaiv teeb meem rau cov ntseeg.
Yog li ntawd, peb yuav tsum xyuam xim. Huab Tais Yes Xus qhia tias, qee zaus peb yuav tsum ua ncaj li tus nquab tab sis, yuav tsum ntse li tus nab, peb thiaj khiav dim tej teeb meem ntawm cov neeg phem. Li ntawd, thov kom peb sib pab thov Ntuj txhawb rau peb cov tub tshaj Ntuj lus, kom lawv muaj lub dag lub zog ua Tswv Ntuj cov hauj lwm ntxiv mus thiab.
Nyob zoo sawv daws.
