ZAJ NYEEM HNUB TIM 20 LUB 10 HLI 2025
HNUB OB LIS PIAM 29 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 12: 13-21)
Kwv tij sawv daws, nyob rau hauv zaj no hais txog ob kwv tij sib txeeb niam txiv lub cuab yeej cuab tam, thiab hais txog tus nplua nuj lub neej yav kawg.
Huab Tais Yes Xus qhia zaj no, kom txhib cov thwj tim siab thiab kuj yog hais rau peb sawv daws, kom peb tsis txhob ua neeg muab hlob, txhob ntshaw lub cuab tam nyob ntiaj teb no dhau. Huab Tais qhia tias, kev muab hlob ua rau peb ntsia tsis pom txoj kev hlub neeg, vim yus tsuas xav kom yus tib leeg tau ntau xwb, yus tsis xam txog luag lwm tus. Huab Tais qhia peb paub tias, kev nplua nuj tsis yog kev txhaum, yog txawj siv mus rau qhov zoo ces nws kuj zoo, tiam sis, yog tus nplua nuj siab nqaim, ces yuav ua rau nws poob rau hauv kev txhaum. Li ntawd, peb yuav tsum txawj siv peb tej nyiaj mus rau qhov tseem ceeb, peb yuav tsis cia nyiaj siv peb. Nyob rau hauv nqe lus kawg Huab Tais Yes Xus tseem hais tias, tus uas nws khaw nyiaj cia rau nws tus kheej xwb, nws tsis muaj dab tsi nyob rau ntawm Tswv Ntuj.
Nyob zoo sawv daws.
