ZAJ NYEEM HNUB TIM 2 LUB 12 HLIS 2025
HNUB PEB, THAWJ LIS PIAM CAIJ TOS HUAB TAIS
COV LUS NYOB HAUV LUS KAS NTAWV MOO ZOO (LK 10: 21-24)
Kwv tij sawv daws, Huab Tais Tswv Ntuj muaj ntau txoj hau kev uas yuav nthuav txog qhov tseeb nyob rau hauv nws, tsis tim yuav yog tus neeg txawj neeg ntse, tsis tim yog tus muaj peev xwm, tsis tim yog tus muaj tswv yim laj lim zoo. Tiam sis, Huab Tais qhia rau cov neeg muaj lub siab muag, thiab qhib siab txais Tswv Ntuj cov lus, Huab Tais nthuav qhov tseeb rau cov neeg me tau paub.
Nyob rau hauv lub caij Tos Huab Tais no, Huab Tais nthuav qhov tseeb txog nws ib zaug ntxiv rau peb tsoom ntseeg sawv daws, kom peb tau paub thiab tau nphav txog nws, kom peb tau txais Huab Tais lub txiaj ntsim thiab txais nws los nyob hauv peb lub neej. Qhov no thiaj yog lub sij hawm uas peb yuav npaj siab tos Huab Tais rov tuaj cawm peb tiag tiag. Peb yuav qhib siab lug txais Huab Tais tuaj nyob rau hauv peb txhua txhia hnub, thov kom Huab Tais tuaj cawm peb.
Nyob zoo sawv daws.
