ZAJ NYEEM HNUB TIM 17 LUB 6 HLI 2026
HNUB PLAUB, LIS PIAM 11 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 6: 1-6, 16-18)
Kwv tij Hmoob, nyob hauv peb kev ua neej peb pom ib txhia neeg lawv nyiam ua zoo rau luag tej pom, kom luag qhuas lawv. Tus ua zoo li no, luag yuav cav txog nws mus li, tab sis yog nws lam ua xwb, mas muaj ib hnub twg sawv daws yeej yuav tsis nco nws ntxiv. Cov lus luag tej cav txog nws ntawd, mas Huab Tais Yes Xus hais tias yog cov koob haum nws tau txais.
Muaj ib txhia ua zoo los ua ntsiag ntsiag, tas nws sid twb tsis muaj neeg pom thiab paub li. Cov zoo li no Huab Tais Yes Xus hais tias Tswv Ntuj yuav pauj rau nws, yog nws tau txais koob haum nyob pem Ntuj.
Txawm yuav ua rau luag pom, los ua ntsiag ntsiag, qhov xav kom peb khaws xav yog qhov tias peb puas zoo siab ua, puas txaus siab ua, puas ua tiag ua.
Nyob zoo sawv daws.
