Zaj nyeem hnub tim 16 lub 5 hlis 2026
Hnub Xya, Lis Piam 6 caij Hla
Cov lus nyob hauv Zam Ntawv Moo Zoo (Z 16: 23b-28)
Kwv tij sawv daws, ua ntej no, Huab Tais Yes Xus tsis tau hais qhia ncaj qha tias nws yog twg, tiam sis, nws kuj tau ua paj lug hais txog nws, nws hais tias, nws tuaj ntawm Leej Txiv Tswv Ntuj tuaj, thiab nws yuav rov qab mus cuag Leej Txiv. Lo lus no qhia tseeb tias, Huab Tais Yes Xus yog Tswv Ntuj Leej Tub tiag. Ib qho ntxiv Huab Tais tau hais qhia tseeb rau peb tias, Leej Txiv nyiam txhua tus neeg uas ntseeg txog Huab Tais Yes Xus, txij no mus, txoj hau kev yuav qhib dav rau cov neeg uas xav thov Huab Tais Leej Txiv.
