Zaj nyeem hnub tim 16 lub 2 hlis 2026
Hnub Ob, Lis Piam 6 caij Nyob Nruab Xyoo
Cov lus nyob hauv Mas Kos Ntawv Moo Zoo ((MK 8: 11-13)
Kwv tij sawv daws, Huab Tais Yes Xus coj Tswv Ntuj lub Ceeb Tsheej tuaj txog peb, nws xav kom peb ntseeg txog Tswv Ntuj lub Moo Zoo. Huab Tais Yes Xus kho cov neeg raug txiab mob nkeeg kom zoo, nws qhia txog Tswv Ntuj lub siab hlub neeg thiab xav cawm neeg, nws tsis yog qhia txog nws lub hwj huam. Ntau zaus peb ntsias Huab Tais Yes Xus zoo li tus kws kho mob, uas thaum peb raug teeb meem, los yog raug mob ces peb xav kom nws pab kho peb tus mob, hos thaum peb zoo lawm ces peb tsis quav ntsej nws lawm. Yog peb coj li no, mas peb ntaus nqi rau Huab Tais Yes Xus tsawg kawg nkaus, peb tsis muaj lub siab ntseeg tiag, peb tsuas xav kom nws pab peb xwb, vim nws tsis yog kws kho mob, tsis yog kws tshuaj, tsis yog kws ntoo, tsis yog kws kho tsheb, los kho vaj kho tsev, tab sis, nws yog peb tus Huab Tais, uas nws hlub peb tas siab nrho, nws xav kom peb los koom ua ib ke nyob hauv nws, nws xav nrog peb nyob mus li. Thov kom peb qhib siab txais Huab Tais Yes Xus tuaj nyob hauv peb lub neej txhua txhia hnub mog.
