Zaj nyeem hnub tim 12 lub 3 hlis 2026
Hnub Tsib, Lis Piam 3 caij Plaub Caug
Cov lus nyob hauv Lus Kas Ntawv Moo Zoo (LK 11: 14-23)
Kwv tij sawv daws, kev xyiv fab mloog ua rau yus to taub thiab txo tej kev chim siab uas khuam nyob rau hauv yus nruab siab pov tseg ib txhia. Txhob poob siab yog hnub no yus tau ua zoo, tiam sis, yus tsis tau zoo, los tseem raug luag cem, raug luag thuam yus. Tej no, Huab Tais Yes Xus twb xub ntsib dua los lawm. Huab Tais Yes Xus thiaj qhia peb tias, yuav tsum nyob twj ywm ntsiag to, thiaj yuav yeej cov ncauj lus phem ntawd. Huab Tais tseem qhia tias, qhov yuav ua rau muaj kev sib tawg hauv tej pab pawg neeg, yog vim tsis txawj tswm yus lub ncauj thiab kev xam khib, yam kev phem nyob rau hauv neeg txoj kev xav, ua rau neeg sib ntxub thiab sib tawg. Li ntawd Huab Tais Tswv Ntuj cov lus qhia uas tuaj ntawm Yes Les Mias lub ncauj tuaj qhia tias, qhov uas yuav ua kom peb sawv daws nyob thaj yeeb, yog ua ntej yuav hais dab tsi, yus tsum qhib siab mloog luag lwm tus tso.
