Zaj nyeem hnub tim 11 lub 5 hlis 2026
Hnub Ob, Lis Piam 6 caij Hla
Cov lus nyob hauv Zam Ntawv Moo Zoo (Z 15: 26-16: 4)
Kwv tij sawv daws, thaum ub cov Txiv Plig uas yog neeg tawv dawb, lawv coj lub Moo Zoo tuaj txog peb haiv Hmoob, mas peb yeej tsis paub tias, lawv yog leej twg, lawv tuaj zoo los tuaj phem, tiam sis, thaum peb pom lawv tus yam ntxwv, pom lawv cov hauj lwm zoo, ces peb paub tias, lawv yog neeg zoo, lawv tuaj ntawm Tswv Ntuj tuaj. Thaum lawv pab peb, ces peb thiaj paub txog Tswv Ntuj txoj kev hlub, peb thiaj los raws lawv.
Kwv tij sawv daws, Huab Tais Tswv Ntuj hlub tshua txog cov neeg txom nyem, mas Tswv Ntuj thiaj pub txiaj ntsim tuaj rau peb cov me nyuam hmoob uas ua lub neej txom txom nyem.
Nyem no Huab Tais xav cawm cov neeg txom nyem thiab ntshaw txog Tswv Ntuj lub txiaj ntsim pab lawv, tsis hais haiv neeg twg kuj xij. Yog tias thaum peb pab cov neeg txom nyem mas yog peb pab Huab Tais Yes Xus. Li ntawd, thaum peb pom cov neeg txom nyem, mas peb yuav tsum xav hais tias, tus ntawd yog Huab Tais Yes Xus uas nws xav kom peb pab nws.
Nyob zoo sawv daws.
