ZAJ NYEEM HNUB TIM 11 LUB 4 HLIS, HNUB TSIB LUB LIS PIAM 2 CAIJ HLA
COV LUS NYOB HAUV ZAM NTAWV MOO ZOO (ZM 3: 31-36)
Cov kwv tij Hmoob, niaj hnub no yog peb ntseeg tias Huab Tais Yes Xus yog Tswv Ntuj Leej Tub, nws kuj yog Tswv Ntuj thiab, mas peb kuj yuav ntseeg tias Huab Tais Yes Xus cov lus yog Tswv Ntuj Lo Lus. Peb ntseeg li ntawd, mas peb yuav tau ua raws li Huab Tais Yes Xus cov lus. Peb ntseeg tias Huab Tais Yes Xus yog Tswv Ntuj, mas peb yuav tau ntseeg txog Huab Tais Yes Xus tiag tiag.
Thaum peb ntseeg txog Huab Tais Yes Xus lawd, peb kuj yuav tsum ua tim khawv txog Huab Tais Yes Xus rau lwm tus, peb yuav tsis ntshai plam peb txoj sia. Huab Tais Yes Xus hais meej kawg lawm tias “Yog nej ntseeg txog kuv mas nej yuav muaj txoj sia nyob mus li.”
Huab Tais Yes Xus thiab lub Koom Txoos yeej qhia rau peb paub tseeb tias thaum txog lub caij txiav txim zaum kawg, cov ntseeg txog Huab Tais Yes Xus mas lawv yuav mus nyob saum ntuj, tus twg tsis ntseeg txog mas nws yuav raug feeb mus rau hauv cov hluav taws kub tsis txawj tuag.
Cov kwv tij Hmoob, nej ntseeg txog Huab Tais Yes Xus mog.
