Zaj nyeem hnub tim 1 lub 5 hlis 2026
Hnub nco txog Leej Ntshiab Yos Xes tus kws ntoo
Cov lus nyob hauv Zam Ntawv Moo Zoo (Z 14: 1-6)
Kwv tij sawv daws, lub Moo Zoo hnub no, kuj txhib txog peb txoj kev ntseeg Ntuj, uas yog peb lub hom phiaj nyob saum Ntuj. Muaj lus nug tias, Ntuj Ceeb Tsheej puas muaj tseeb tiag ? ces lo lus teb kuj yog tias, yeej muaj tseeb tiag yog tsis muaj tseeb, Huab Tais Yes Xus yeej tsis hais. Huab Tais Yes Xus yeej hais meej tias, Huab Tais yog txoj kev uas yuav mus rau hauv Tswv Ntuj lub Ceeb Tsheej. Cov uas ua xyem xyav txog Tswv Ntuj lub Ceeb Tsheej, Huab Tais Yes Xus hais tias : nej txhob poob siab, txhob ua xyem xyav, vim nyob hauv Ntuj Ceeb Tsheej muaj chaw ntau rau cov neeg ntseeg Ntuj nyob, peb yuav tau Tswv Ntuj lub Ceeb Tsheej thiab tsis tau, mas nyob rau ntawm peb txoj kev ntseeg Ntuj, Huab Tais thov kom peb ntseeg tas siab nrho, peb tsis txhob ua xyem xyav ntxiv. Hos peb yuav tsum muaj lub siab nyiam nthiab ntseeg txog Tswv Ntuj tas mus li, cia Tswv Ntuj ua tus thawj nyob rau hauv peb lub siab tas mus li. Mas peb thiaj yuav tau Tswv Ntuj lub Ceeb Tsheej los ua peb tug, vim Ntuj lub Ceeb Tsheej yog cia rau cov uas muaj lub siab ntseeg. Tswv Ntuj lub Ceeb Tsheej yuav xub pib nyob rau ntiaj teb no, nyob rau hauv txoj kev sib nyiam sib hlub nyob rau hauv kev sib haum xeeb thiab koom ua ib ke nyob hauv Tswv Ntuj.
Nyob zoo.
