Qhov zoo ntawm tus Zoo Tswv Zov Yaj.
Kwv tij sawv daws ! Hnub no peb yuav los tham txog tus Zoo Tswv Zov Yaj uas Yes Xus hais nyob hauv ntawv Moo Zoo tias : “Nej mloog ! Kuv yog tus Zoo Tswv Zov Yaj, tus Tswv Zov Yaj nws yuav muab nws txoj sia los pov hwm nws pab yaj.”
Thaum peb hnov hais txog tus Zoo Tswv Zov Yaj no, nws deeg txog hauv peb nruab siab. Yam uas kuv xav tau, yog rov xav me ntsis txog tus duab ntawm tus zov yaj uas nws hais txog Yes Xus. Thawj yam thiab yam tim ob, hais txog kev ua tus coj nyob hauv lub neej ua neeg ntseeg. Thiab tus ua tus coj ntawm qhov kuv hais nyob hauv no, nws yog tus tswv zov yaj tam sim no ntawm tas tsoom neeg ntseeg, nws yog Vaj Qhia Fas Ntshis Kus. Vim nws hais tej lo lus khuam rawv nyob hauv kuv lub siab los ib ntus txij ntawd los, nws hais tias : “Tus tswv zov yaj uas zoo, nws yuav nyob ntawm nws pab yaj hauv ntej, yuav nyob nruab nrab hauv nws pab yaj thiab nyob tom qab huv si.” Lo lus no yog nws hais txog dab tsi ? Nws hais txog tom hauv ntej. Yog tus tswv zov yaj nyob pem hauv ntej coj nws pab yaj, nws yuav coj nws pab yaj mus tej qhov chaw uas lawv tsis paub, tab sis nws paub. Nws paub qhov nws pab yaj tsis paub. Yog tsis li ntawd, yuav muaj qab hau dab tsi ? Yog nws tsis paub, ces nws tsuas mus ncig nws pab yaj xwb. Yog nws tsuas nyob ntawm nws pab yaj hauv ntej xwb, nws tsis paub dab tsi, mas qhov kawg nws kuj yuav tsis muaj dab tsi txuas nrog nws cov yaj. Nws yuav nyob nrug deb ntawm nws pab yaj hauv ntej thiab tsis quav ntsej txog cov yaj lawm. Ces tus tswv zov yaj tsim nyog yuav nrog nws pab yaj nyob thiab nrog lawv sib txuas. Vaj Qhia Fas Ntshis Kus hais tias : tus zov yaj, nws yuav tsw yaj tus ntxhiab.
Nws hais ntxiv tias : tus tswv zov yaj, yuav lawv nws pab yaj qab thiab. Lo lus no yog txhais li cas ? Nws txhais tias : muab siab rau rau tus ploj mus, rau tus muaj mob, rau tus mus tsis taus kev thiab rau tus raug tsiaj tsiv tsaim tom. Yog nws tsis ua li ntawd, tsis ntev nws yuav tsis muaj ib pab yaj. Nyob pem cov yaj hauv ntej, nyob nruab nrab hauv pab yaj thiab lawv pab yaj qab, 3 yam ntawd puav leej yog. Peb yuav xav tswv yim me ntsis txog qhov Yes Xus hais tias : “Kuv yog tus Zoo Tswv Zov Yaj.”
Yes Xus hais li ntawd, nws puas yog nyob pem pab yaj hauv ntej ?
Lo lus no tsis muaj lus teb.
Thaum kuv laus lawm, kuv muaj kev ntxhov siab ntau rau kev paub txog Yes Xus. Yes Xus nrog peb nyob, nws zoo li peb ib tug tij laug, nws yog peb li phooj ywg. Tas txhua yam no yog qhov tseeb. Tab sis qhov txaus ntshai yog qhov peb tuaj yeem tswj tau Yes Xus thiab ua rau nws tshaj qhov phooj ywg lawm. Nyeem qhov ntawv Moo Zoo hauv qab no, ces koj yuav pom tias Yes Xus txawv npaum cas. Muaj ib lo lus nyob hauv Mas Kos ntawv Moo Zoo, yog thaum cov Thwj Tim nrog Yes Xus nyob thiab lawv hais tias : “Lawv ua xyem xyav thiab lawv ntshai.” Qhov ntawd yog nyob hauv Mas Kos zaj 10. Yog vim li cas lawv ua xyem xyav thiab lawv ntshai ? Vim Yes Xus tsis yog lawv tus phooj ywg xwb, nws yog lawv li phooj ywg thiab yog lawv ib tug kwv nrog lawv mus ua ke. Nws yog tus tseem ceeb nyob ntawm peb hauv ntej. Nws coj lawv mus rau lub hom phiaj uas lawv ntsia pom tsis tseeb. Li ntawd, lawv thiaj nrog Yes Xus nce mus saum roob, yog lawv li phooj ywg, yog lawv ib tug kwv thiab Yes Xus yees nyob ntawm lawv xub ntiag. Lawv pom Yes Xus hnav ib ce khaub ncaws dawb dawb ci ci, muaj Mais Xes thiab Es Lias nrog lawv ua ke. Nod yog leej twg ? Tus neeg txawv txawv no yog leej twg, thiab nws coj lawv mus txog Ntuj Ceeb tsheej tau li cas ? Koj sim xav txog thaum Yes Xus sawv rov los, nws hais rau Mab Liab Mas Ntas Las tias :
“Txhob kov kuv.” Yog txhais tias koj tsis tuaj yeem tuav thiab quab yuam kuv tau. Yes Xus chaws lub qhov rooj uas muaj nruas phoo xauv, nws tuaj thiab rov. Nws yees tawm tuaj lub sij hawm lawv xav tau kev pab.
Yog lawm, kuv kuj ua xyem xyav thiab ntshai ib yam thaum kuv sawv nyob ntawm lub cev ntawd. Qhov tseeb tiag yog tus Zoo Tswv Zov Yaj sawv nyob ntawm cov yaj xub ntiag. Yes Xus yog tus coj pab yaj. Tus Zoo Tswv Zov Yaj nws yuav nyob nruab nrab hauv cov yaj. Koj puas ntseeg tias : Yes Xus tau nrog cov neeg txhaum noj haus ua ke, xws li cov neeg muaj txhaum, cov niam ntiav thiab cov neeg sau se. Yog tus yam ntxwv nyob hauv Yes Xus lub neej uas nws nrog cov neeg txhaum noj haus rau sawv daws pom. Thaum cov Thwj Tim caij nkoj, lawv nyob ntsiag to thiab muaj tus ntxhiab yaj tsw, vim Yes Xus nyob nrog lawv.
Qhov kawg ntawm qhov zoo uas Vaj Qhia qhia rau peb pom yog : tus Zoo Tswv Zov Yaj nws sawv pem hauv ntej, nws nyob hauv pab uas saib cov lawv qab. Saib cov raug mob, cov ntshai thiab cov raug cais tawm.
Sawv daws saib hauv ntawv Moo Zoo mas ! Qhov no yog qhov zoo tshaj nyob hauv Yes Xus cov hauj lwm. Yes Xus cev tes mus tuav tus poj niam nyob ntawm lub qhov dej, uas nws raug nws cov phooj ywg ua phem. Yes Xus cev tes mus kov tus txiv neej dig muag puag nruab thiab uas nws yog neeg pluag txom nyem. Sim xav txog Ntxas Kais uas nws yog tus neeg sau se, Yes Xus puas ntxub nws ?
Yes Xus tsis ntxub thiab nws hais tias :
“Ntxas Kais ! Koj nqes los, hnub no kuv yuav mus so nyob hauv koj tsev !”
Xav txog cov neeg muaj txhaum thiab cov niam ntiav. Sim xav txog ib tug poj niam deev hluas thiab nws raug ntes. Yog leej twg tsis muaj txhaum, mas kom nws xub txawb pob zeb rau. Yes Xus khuv leej cov neeg pluag, nws yog tus tseem Zoo Tswv Zov Yaj tiag. Peb los saib cov uas lawv ua thawj coj ntawm cov neeg ntseeg. Ntawd yog kuv cov hauj lwm uas kuv tau ua nyob hauv kev ua tus thawj tswj nyob hauv lub Cheeb Koom Txoos. Tus thawj coj cov neeg ntseeg yuav tsum sawv nyob pem cov yaj hauv ntej ib qho twg puas yog ? Yog kawg ! Vim tsis yog tias yuav nyob ib ncig ntawm cov neeg nrog peb, tsis yog nrog peb ua phooj ywg xwb, tab sis nws yuav coj peb cov neeg mus hauv qhov chaw lawv tsis nkag siab. Nov yog lub ntsiab ntawm tus tswv zov yaj hauv lub Koom Txoos, ces tsim nyog nws yuav yog ib tug kws txuj kev teev hawm thiab yog tus nquag thov Ntuj.
Tus zov yaj nws yuav sawv nyob pem cov yaj hauv ntej, tab sis hais txog qhov no, yog nws tsuas sawv nyob pem hauv ntej xwb, nws yuav tsis muaj kev sib raug zoo nrog cov yaj. Tus Zoo Tswv Zov Yaj, nws yuav nyob nruab nrab hauv nws pab yaj thiab tsw yaj tus ntxhiab. Qhov no thiaj yog qhov tseeb ntawm kev ua tus coj lub Koom Txoos.
Tus Tswv Qhia Liab Meyer uas ntau xyoo tas los nws yog tus Tswv Qhia nyob Chicago, nws tau hais txog kev ua hauj lwm hauv lub Koom Txoos uas nws nyob thiab tej lo lus paj lug me me, tej ntawd tseem nyob rawv hauv kuv lub siab.
Cov nrog tus tswv zov yaj feem coob tab tom ua kom pom tias : qee yam uas kuv ntsib tam sim no, yog kuv tau ua tus thawj coj ntawm lub Cheeb Koom Txoos no. Kuv yog tus ntsuj plig leej txiv nyob hauv lub Cheeb Koom Txoos thiab ib yam li leej txiv tawm nyob hauv cov me nyuam tej lub ntees lom zem. Hauv kev sib tw ua si lom zem ntawm lawv thiab lwm yam. Qhov ntawd yog qhov tseem ceeb tshaj ntawm kuv txoj kev ua tus saib lub Cheeb Koom Txoos, yog kev tawm, kev mus tsev teev Ntuj thiab ua thaj txi Ntuj rau cov neeg ntseeg.
Yam peb : tus Zoo Tswv Zov Yaj yuav sawv nyob tom cov yaj qab. Qhov loj tshaj yog muab siab rau saib cov tab tom ua tiag nyiaj, cov neeg txhaum thiab cov neeg nyob nrug deb. Koj puas paub tias kuv cov hauj lwm ua nyob hauv Online ntau heev, kuv tau nrog cov neeg tsis muaj feem cuam sib txuas lus. Tam sim no muaj ib pab tub rog Kav Tos Liv, yog cov me nyuam Kav Tos Liv uas lawv tawm ntawm lub Koom Txoos mus lawm. Thiab yog vim li cas kuv thiaj li tsim lo lus no ntawm kev ua hauj lwm hluav taws xob. Yog kev siv Social Media kom mus txog txhua tus uas lawv plam los yog ploj mus lawm. Kuv maj mam muab siab rau txog cov ncaim ntawm tej pab yaj.
Vaj Qhia tau hais qhov tseeb tias : nws yog tus coj cov neeg ntseeg, tab sis nws kuj muab siab rau txog cov neeg pluag txom nyem tsis hais yog vim dab tsi kuj xij.
Li ntawd, ua Tswv Ntuj tsaug uas peb muaj tus tswv zov yaj sawv nyob ntawm peb hauv ntej, nyob nruab nrab hauv peb thiab sawv nyob tom peb qab. Thov kom tus tswv zov yaj ntawm lub Koom Txoos tau koom nrog Yes Xus ua tus Zoo Tswv Zov Yaj uas muaj qhov zoo ib yam. Thov Tswv Ntuj foom hmoov zoo rau koj !
