Nthuav tawm lub ntiaj teb tshiab. (A New World Unveiled)
Hnub no peb los nyeem zaj hais txog hnub ntiaj teb kawg nyob hauv phau ntawv Das Nias. Nws yog zaj hais txog hnub ntiaj teb kawg. Thawj phau nyob hauv hnub no yog los ntawm phau ntawv Das Nias zaj 12 qib 1-3. Yog ib phau ntawv zoo kawg ntawm kuv nyob hauv Ntawv Cog Lus Qub. Yog phau ntawv uas muaj ntau yam txawv txawv, tab sis koj yuav pom cov ntsiab lus hais txog hnub ntiaj teb kawg nyob hauv ntawv Das Nias. Ib qhov uas tseem ceeb kawg nyob hauv Ntawv Cog Lus Qub, yog Das Nias zaj 7. Das Nias ua yog toog thiab nws hais tias : “Kuv pom ib tug yawg laus laus, los yog Tswv Ntuj zaum nyob saum lub theej kiab.” Nws hais tias : “Muaj ib tug zoo li Neeg Leej Tub nqes los nyob saum cov huab.” Tab sis tus uas zoo li Neeg Leej Tub tau coj nws tsev neeg mus zaum nyob ntawm tus yawg laus phab xis thiab tus yawg laus ntawd muab lub hwj chim rau nws, ces zoo li nws muaj hwj chim puv npo.
Kuv kuj nug tias tas txhua yam no yog txhais li cas ? Vim nws ntxim siab kawg rau cov His Xas Lais thawj tiam neeg. Tswv Ntuj tau pub lub hwj chim rau tus zoo li Neeg Leej Tub, tus uas yuav los kav haiv His Xas Lais nyob hauv nws lub npe. Tus neeg no nws yog zoo li tus Mes Xias, tab sis nws tseem ceeb nyob hauv lub sim ceeb no tsis yog tus zoo li Das Vis ua vaj nyob ntiaj teb, nws yog tus vaj kav tag txhua yam. Qhov tseem ceeb ntawm lo lus no meej kawg, thaum peb rov xav txog qhov lawv txiav txim rau Yes Xus, mas nws yog ntu kawg ntawm Yes Xus lub neej. Thaum lawv nug nws tias : “Koj puas yog Yes Xus ?” Kuv yog thiab nej yuav pom Neeg Leej Tub tawm tuaj ci ntsa nyob saum cov huab. Tam sim ntawd tus yaj saub yuav dua nws lub tsho tshaj sab, vim nws xav tias nws tau hnov lo lus thuam. Yes Xus tab tom ua dab tsi ne ?
Yes Xus tab tom hais txog Das Nias zaj 7 thiab hais txog nws. Yes Xus yog tus uas Leej Txiv pub lub hwj chim rau nws kav thiab saib cov Thwj Tim tej hauj lwm. Yes Xus yog tus sawv rov los thiab nce mus saum ntuj. Nws yog tus kav lub ntiaj teb zim txwv no. Das Nias ua yog toog txog hnub lub ntiaj teb kawg, yog qhia txog tias Yes Xus yog leej twg. Qhov ntawd yog kev nyeem nyob hauv zaj ib thiab nws ua kom peb ceeb ntawv Moo Zoo. Nyob hauv Mas Kos ntawv Moo Zoo zaj 13, pom Yes Xus thiab nws cov Thwj Tim tab tom tig ntsia mus rau lub tsev teev Ntuj loj nyob Yes Lus Xas Les, uas tam sim no yog lub tuam tsev teev Ntuj hwm Leej Ntshiab Pob Zeb. Yog lub tuam tsev uas tseem ceeb ntawm cov His Xas Lais txheej thaud. Nws yog qhov nruab nrab ntawm kev tseev tsim thiab yog qhov chaw rov xav txog txoj kev ntseeg ntawm lawv. Kuv ntseeg tias cov His Xas Lais txheej thaud tsis tau pom dua ib lub tuam tsev zoo nkauj cuag lub nyob Yes Lus Xas Les. Peb pom nyob hauv tej duab uas neeg thau thiab lwm yam zoo nkauj. Tab sis cov neeg txheej thaud lawv tsis tau mus txhua txhia qhov chaw li zim txwv no, kom cov His Xas Lais tau pom lub tsev teev Ntuj nyob Yes Lus Xas Les muaj ntau yam muaj nqis thiab zoo nkauj. Nws yog qhov zoo nkauj uas lawv tau pom, nws yog Tswv Ntuj lub tsev. Cov Thwj Tim tab tom qhuas nws thiab Yes Xus hais tias : “Lub caij nyoog los yuav txog lawm, thaum tsis muaj ib lub pob zeb twg seem coj los txheem.” Koj sim xav seb, thaum koj nyob nrog ib tug Txiv Plig uas koj nyiam thiab koj tab tom ncig tsham lub tsev teev Ntuj hwm Leej Ntshiab Pob Zeb. Koj yuav tsa hau saib thiab hais tias : “Oh, Michelangelo's lub ru tsev thiab lub tsev txhim tau zoo nkauj tiag tiag. Tus Txiv Plig ntawd yuav hais rau koj tias :
“Tsis yog, lub caij nyoog los yuav txog lawm. Thaum txhua yam uas tsim tawm raug rhuav, mas zoo li tsis zoo siab.” Ntawd yog peb lub siab tam sim no.
Thaum peb pib tshaj lub Moo Zoo no, thiab Yes Xus kuj txhib peb kom peb kub siab. Cov hnub ntawd, tom qab kev nyuab siab lub hnub yuav tsaus. Lub hli tsis muaj duab ci, cov hnub qub yuav poob thiab ntuj ceeb tsheej lub hwj chim yuav deeg. Koj yuav hais tias puas yog lawv tab tom hais txog hnub ntiaj teb kawg ? Qhov kawg saum huab cua, kev piam sij ntawm lub ntiaj teb. Nov yog qhov kuv tsis paub, vim koj yuav tau mloog qhov Tswv Ntuj hais ntxiv tias : “Neeg lub hnub nyoog yuav tsis ploj mus txog thaum txhua yam no tshwm sim.” Tas txhua yam no tsis tau tshwm sim nyob hauv Yes Xus lub caij nyoog. Peb yuav nkag siab txog zaj no tau li cas hais txog ntiaj teb kev puas tsuaj ? Nco ntsoov lo lus no yog hais txog dab tsi ? Ntiaj teb puas tsuaj tsis yog hais txog hnub ntiaj teb kawg, tab sis hais txog kev nthuav tawm. Kev nthuav tawm ntawm lub ntiaj teb tshiab. Lub sij hawm ntawd, lub hnub yuav tsaus, lub hli tsis qaim, cov hnub qub yuav poob yog cov neeg txheej thaud. Tam sim no peb muaj GPS lawm, tab sis cov neeg txheej thaud yuav siv lub hnub, lub hli thiab cov hnub qub cov sab ci los ua lawv qhov mus kev thiab xam nyoog. Yog tias koj xav vam txog tej yam no los pab koj hla lub ntiaj teb mas tsis tau, vim yog lawv lub tswv yim xav thiab yog qhov lawv teeb tseg. Ntuj Ceeb Tsheej deeg, mas lawv xav tias yog Ntuj CeebTsheej kav tas txhua yam nyob ntiaj teb no. Yes Xus hais tias yuav muaj ib hnub uas tas txhia yam deeg daws thiab txhua yam yuav piam sij. Vim li cas thiaj zoo li ntawd ? Vim lub ntiaj teb tshiab tab tom raug nthuav tawm. Tab txawm yog yam zoo nkauj xws li lub tuam tsev teev Ntuj nyob Yes Lus Xas Les, nws kuj yog yam qub qub nyob hauv ntiaj teb thiab nws yuav vau yuav pob. Nco ntsoov Zam ntawv Moo Zoo hais tias :
“Peb yuav rov rhuav lub tuam tsev no.” Qhov no ua kev poob siab rau cov His Xas Lais txheej thaud loj kawg.
Kuv yuav rhuav lub tuam tsev, ces lub ntiaj teb tshiab yuav tshwm sim los ntawm lub ntiaj teb qub. Peb pom nyob hauv Pob Zeb thawj tsab ntawv. Lub Ceeb Tsheej tshiab thiab lub ntiaj teb tshiab tab tom nyob tos. Ntawd yog dab tsi thiab nws yuav tshwm sim tau li cas nyob hauv Yes Xus tiam neeg. Kuv xav tias nov yog lo lus teb. Yog qhov Yes Xus tuag thiab sawv rov los. Yog qhov zais ntshis nyob hauv lub Caij Hla.
Yes Xus txoj kev tuag yog dab tsi ? Qhov ntawd yog qhov tshwm sim nyob hauv lub ntiaj teb qub qub, nws yog lub hwj chim kav lub ntiaj teb qub. Yog lub caij nyoog xwm yeem ntawm peb kev mus kev. Yes Xus hloov txhua yam ua kom rov quav qees, tom qab nws tuag. Yog Los Mas, yog His Xas Lais, yog tib neeg thiab yog lub ntiaj teb qub qub coj Yes Xus mus cuag Ntoo Cuam. Tab sis tam sim no Yes Xus sawv rov qab los, dab tsi yuav tshwm sim ? Lub ntiaj teb tshiab, kuv tsis paub yuav piav li cas. Lub ntiaj teb tshiab tab tom raug nthuav tawm thiab peb paub tias nws yog dab tsi. Kev tuag tsis muaj lo lus teb. Kev tuag tsis yog qhov xaus uas meej tseeb thiab lub zog hauv kev tseev tsim yog nyob ntawm kev ntshai tuag. Kev tuag tsis muaj hwj chim ntxiv mus. Txhua txhua feem hauv Ntawv Cog Lus Tshiab tab tom qhia peb. Nyob hauv 2,000 xyoo dhau los, tau qhia peb tias muaj qee yam txawv txav tshwm sim, qee yam tshiab thiab qee yam xav tsis txog, ces zoo li lub ntiaj teb qub puas tsuaj mus lawm.
Peb kev khiav nkoj txheej thaud tsis muaj qab hau kiag, tiag tiag lub ntiaj teb tshiab twb tshwm sim lawm, muaj cov hnub qub tshiab, tus tub tshiab, lub hli tshiab. Yog hais txog kev khiav nkoj txheej tshiab hauv lub ntiaj teb no. Sim xav txog Yes Xus thawj tug Thwj Tim uas hais lo lus sawv rov qab los ntawm lub ncauj, yog lo lus ua Tswv Ntuj ntawm Yes Xus thiab nws muaj dab tsi tshwm sim rau lawv ? Lawv sawv daws raug tua tuag vim lawv txoj kev txom nyem. Vim lawv tseem mus ntxiv nyob hauv lub ntuj qub qub no. Tab sis vim lub ntuj tshiab ntawm lawv lo lus thiab lawv tab tom sau lub ntuj tshiab. Qhov ntawd yog qhov raug nthuav los ntawm Yes Xus txoj kev tuag thiab kev sawv rov los. Sim xav txog cov Leej Ntshiab txhua txhua txheej seb lawv txawv txawv. Koj yuav xav tias ua cas ho txawv, vim lawv nyob lub ntuj qub qub. Sim xav txog Leej Ntshiab Teresa seb. Nws hais tias kuv yuav mus raws tej kev tsheb hauv cov neeg coob coob uas phem tshaj plaws hauv lub ntiaj teb thiab pib kho cov neeg muaj mob, cov neeg yuav tuag. Puas yog nws vwm lawm ?
Leej Ntshiab Fas Ntshis Kus As Xis Xis hais tias kuv yuav hle kuv cov khaub ncaws kom tas thiab ua lub neej tsob hwbTswv Ntuj. Puas yog nws vwm lawm ?
Maximilian Kolbe, thaum nws khiav dim kev tuag los ntawm qee yam, nws tsis tau hais tias ua tsaug Tswv Ntuj uas koj pab kom kuv dim. Nws hais tias kuv yuav muab kuv txoj sia los pauv tus txiv neej no. Puas yog nws vwm lawm ? Tswv Ntuj tsis tau coj kev los ntawm cov hnub qub qub qub. Qee yam puas tsuaj, qee yam ploj mus thiab lub ntuj tshiab kuj tshwm sim. Yes Xub lub ntuj rov muaj txoj sia, ces peb tsis muaj qhov ntshai kev tuag los laum. Peb tsis ntseeg tias lub ntiaj teb no yog txhua yam, vim peb pom txhua yam. Thaum Yes Xus tab tom piav txog lub hnub thiab lub hli yuav poob qho. Thov caw peb mloog Yes Xus cov lus hais. “Thaum lawv yuav pom Neeg Leej Tub lub hwj chim tawm tuaj nyob saum cov huab thiab ci ntsa. Nws xa cov Tshiab tawm mus thiab sau tas cov neeg nws xaiv nyob 4 ceg kaum ntuj.”
Rov hais raws li Das Nias zaj 7 ib lwm. Leej twg yog Neeg Leej Tub uas yuav tawm tuaj nyob saum cov huab raws li Das Nias hais tseg ? Yes Xus hais tias nws yog leej twg ? Yes Xus yog tus sawv rov qab los. Yes Xus yog tus tawm tuaj thaum lub ntiaj teb qub puas tsuaj. Yes Xus yog lub hnub, lub hli thiab cov hnub qub uas poob saum ntuj lawm. Yes Xus yog lub zog kav peb lub neej uas lub neej qub qub ploj mus lawm. Nej puas pom tias ntawd yog hnub lub ntiaj teb kawg. Ntawd yog kev nthuav tawm loj kawg. Cov lus no tsis yog hais tseg rau cov tseem muaj txoj sia yav tom ntej. Cov lus no tsis yog hais tseg rau txhua tiam neeg. Cov lus no yog hais tseg rau peb tiam neeg, yog hais rau peb txheej neeg nyem no. Muaj qee yam raug nthuav tawm rau peb. Qhov ntawd yog Yes Xus txoj kev ua vaj, tus uas muaj txoj sia nyob mus li thiab sawv rov qab los.
