Koj yuav rov xav txog koj lub neej ntawm fab ntsuj plig (You have to rethink your spiritual life)

Koj yuav rov xav txog koj lub neej ntawm fab ntsuj plig.

Thawj zaj nyeem nyob hauv lub lis piam no, yog los ntawm phau ntawv Kos Es Les. Teeb meem yog qhov yuav yaj mus ntawm peb txoj kev xav yooj yim. Qhov kuv hais yog hais txog qhov tim ib nyob hauv kev nyiam kev hlub. Kuv rov hais dua ib zaug tias : qhov tseem ceeb hauv Ntawv Ntshiab, kev hlub yog qhov tim ib. Ntawv Ntshiab tsis yog kev nrhiav Tswv Ntuj zoo li peb mus nrhiav nyob hauv tsev muag ntawv kuj tau. Mus ntawm cov txheej rau ntawv, ces koj yuav pom 100 phau ntawv hais txog tib neeg txoj kev nrhiav Tswv Ntuj. Ntawv Ntshiab tsis yog li ntawd, nws yog peb txoj kev nrhiav Tswv Ntuj tiag tiag. Tswv Ntuj yog tus pib nyob hauv fab ntsuj plig, Tswv Ntuj yog tus pub lub suab hais lus, Tswv Ntuj yog tus tswv ntawm kev sib tham mus li.

Peb cov neeg txhaum raug ntxias loj heev kom hloov Tswv Ntuj mus ua lub zog ntawm fab ntsuj plig uas nyob deb. Tom qab peb kuj nrhiav kev mus cuag tus Tswv Ntuj ntawd. Los sis puas yog peb hloov Tswv Ntuj mus ua ib tug neeg ua hauj lwm nyuab. Kev muaj lub siab tawv qhawv xwb thiaj tuaj yeem ua tau kom peb txaus siab. Puas ntsia pom tias ob txoj kev no yog ua kom peb thiab qhov peb ua tiav nyob pem hauv ntej. Yog kev muaj peev xwm nce lub roob ntshiab ntawm kuv, yog kev xyaum lub neej uas muaj kev ncaj ncees thiab muaj peev xwm. Kuv tab tom nrhiav Tswv Ntuj, tab sis qhov kuv xav tsis yog Tswv Ntuj thiab tag nrho ntawd puav leej yog nyob hauv Ntawv Ntshiab txij ntawv Hauv Paus mus txog ntawv Qhib Yav Tom Ntej.

Peb tau hnov txog qhov tseeb ntawm yam no nyob hauv Ntawv Ntshiab lub keeb. Kuv tab tom hais txog kev tsim ntawm Tswv Ntuj, uas nws tsim txhua yam yog qhov tseeb. Ntau zaus peb nyob hauv fab ntsuj plig, peb kuj nco txog lub ntiaj teb zoo li yog ib zag ruam heev. Tam sim no kuv yuav tsim kuv txoj kev thiab maj mam tshawb nrhiav txoj kev mus cuag Tswv Ntuj. Tas txhua yam nyob ib puag ncig kuv uas tseeb thiab tsis tseeb, puav leej yog qhov khoom plig uas tuaj ntawm Tswv Ntuj tuaj. Tswv Ntuj yog tus pub tas txhua yam nyob hauv lub ntiaj teb no. Txhua yam nyob hauv kuv, kuv nrhiav Tswv Ntuj nyob hauv kuv txoj kev xav, txoj kev ntshaw thiab kuv txoj kev vam. Kuv txoj kev xav, kev ntshaw thiab kev vam yog los qhov twg los ?

Tsis yog tias kuv muaj hmoo es kuv thiaj muaj, tab sis Tswv Ntuj yeej ib txwm nyob tas hauv qhov kuv xav. Kuv yuav maj mam nrhiav kev ua kom Tswv Ntuj txaus siab. Tas txhua yam nyob hauv kuv, yog khoom plig uas Tswv Ntuj pub rau kuv, ces Tswv Ntuj yuav tsum yog qhov ua ntej hlo. Tsis hais peb yuav ua dab tsi, Tswv Ntuj twb xub nyob ntawd lawm. Peb puas pom tej yam no nyob hauv cov liv xwm kev cawm ?

Yuav rov xav txog tej yam zoo zoo nyob hauv Ntawv Ntshiab txij Has Nplas Has, Mais Xes, Xas Muas thiab Das Vis, cov uas ib txwm caw txog Tswv Ntuj.

Kev chim siab tsis yog nyob hauv kev nrhiav Tswv Ntuj, nws yog kev pib ntawm Tswv Ntuj thiab Yes Xus tus muaj hwj chim twb xaus hais txog zaj no lawm tsis yog lod ? Tsis yog koj xaiv kuv, tab sis yog kuv xaiv koj.

Yog koj cia yam ntawd nkag los nyob hauv koj siab, mas txhua yam yuav hloov mus. “Tsis yog koj xaiv kuv, hos yog kuv xaiv koj.” Yog qhov tim ib ntawm koj. Ces tam sim no peb yuav los mloog saib ntawv Kos Es Les nws piav txog zaj no zoo li cas. Koj, yog Tswv Ntuj lub tswv yim, koj raug paub los ntawm tus neeg hlub koj, thiab koj tau ntsib los ntawm tus nrhiav koj. Koj maj ua kom luag tej paub, vim koj vam txog qhov lawv xav tau. Leej twg kuj xij, uas zov saib koj mus txog kaj ntug, nws yuav tsis tag kev cia siab, vim nws yuav tau pom koj zaum nyob ntawm lub nroog lub qhov rooj. Thiab qhov kawg, koj yuav tau txais Tswv Ntuj lub tswv yim ntxiv, nws nyob ib ncig ntawm koj.

Yog, muaj qee yam koj yuav tsum hais kom tau nrhiav teeb meem ntawm tib neeg. Tas txhua hom tsiaj nrhiav lub tswv yim, tab sis Ntawv Ntshiab tsis saib qhov ntawd yog qhov loj. Ntawv Ntshiab saib Tswv Ntuj lub tswv yim yog qhov tseem ceeb uas ua kom tus kheej yog qhov chaw paub, vam txog lawv txoj kev xav tau. 

Tswv Ntuj yog tus nthuav nws tus kheej rau peb, ua ntej peb yuav pib nrhiav Tswv Ntuj. Qhov tseeb tiag peb txoj kev nrhiav, yog nyob hauv qhov peb tshawb pom lawm. Herbert McCabe tus kws Ntawv Ntshiab Dominican uas nto npe tau hais txog kev thov Ntuj tias : dab tsi kuj xij, nws muaj nqis nyob hauv peb txoj kev thov Ntuj.

Li ntawd, kuv thov qee yam ntawm Tswv Ntuj. Yog qhov ntawd yog kev thov Ntuj uas muaj nqis, mas Tswv Ntuj kuj thov nyob hauv kuv tas li. Nco ntsoov tias Leej Ntshiab Paj Lug tau hais txog fab ntsuj plig nyob hauv nws lub suab hu.

Leej Ntuj Plig Ntshiab nyob hauv peb lawm, thaum peb tab tom thov Ntuj. Qhov ntawd yog thawj yam muaj txiaj ntsim thiab yog tiag.

Tas sawv daws thiab kuv xav tias nyob hauv Ntawv Ntshiab kuj yog zoo li ntawd. Peb feem coob yuav rov xav dua tshiab hais txog peb lub neej ntawm fab ntsuj plig. Peb muaj qhov ua neej yam tsis paub thiab qee yam yuam kev. Qhov ntawd, yog qhov Tswv Ntuj ua tiav nyuab, Tswv Ntuj nyob deb thiab tsis txaus siab yooj yim.

Thaum peb nyeem zaj no, zoo li tus ntsuj plig nyob ntawm peb hauv ntej, nws zoo li yog Tswv Ntuj. Hais txog Tswv Ntuj mas tsis yooj yim kiag, ces kuv yuav tsum ua txhua yam kom raug Tswv Ntuj siab. Tab sis nws puas muaj dab tsi zoo, yog tias txhua yam uas kuv ua ntawd nws ua rau tus ntsuj plig thaub qab. Peb sim xav txog ib qho loj uas nyob hauv ntawv Qhib Yav Tom Ntej, yog tias Yes Xus khob qhov rooj thiab peb nyob hauv tsev. Kuv xav tias kuv mus khob Tswv Ntuj qhov rooj zoo dua, kuv mus nrhiav Yes Xus zoo dua, tab sis nws yuav muaj dab tsi tshwm sim, yog tias Yes Xus khob kuv lub qhov rooj ? Tab txawm kuv yuav kub siab lug nrhiav Tswv Ntuj, Tswv Ntuj puas kub siab lug nrhiav kuv tas li thiab ? Lub neej ntawm fab ntsuj plig kuj yuav nce mus tsis txog saum lub roob ntshiab, vim kuv lub zog. Tab sis nws yog qhib lub qhov rooj uas Yes Xus ib txwm khob, nws xav ntsib kuv, nws xav kom kuv nrhiav pom. Tswv Ntuj zoo yam li lub nkoj cua uas xav nrhiav chaw tsaws, thiab nws xav tsaws nyob hauv peb nruab siab, ces peb yuav qhib peb lub siab kom nkoj cua tau tsaws. Lub neej ntawm fab ntsuj plig yog dab tsi ? Lub neej ntawm fab ntsuj plig yog tu tej chaw kom du txhob muaj dab tsi tav kev, kom Tswv Ntuj lub nkoj cua tau kev tsaws nyob hauv peb nruab siab. Nws ya siab dua peb lub siab, nws khob qhov rooj, nws xav nrhiav chaw tsaws. Ces peb yuav cheb ntxuav tas txhua yam nyob saum npoo av, kom tau ua qhov chaw Tswv Ntuj nyob thiab lub nkoj cua tau kev tsaws. Koj yuav hais tias koj nkag siab zoo txog qhov ntawd lawm, tab sis koj yuav ua li cas kom qhov ntawd yog tiag nyob hauv koj lub neej ? Niaj hnub koj yuav siv sij hawm li 5 fiab, tsis yog ib teev los ua qhov ntawd. Yog koj ua tau, mas nws yog qhov zoo heev. Koj siv sij hawm 5 fiab los npaj thiab koj yuav hais tias : Tswv Ntuj, kuv ntseeg tias koj tab tom saib kuv, koj nqes los nyob hauv kuv. Koj yuav siv sij hawm 5 fiab los hais tias : Tswv Ntuj, kuv ntseeg tias koj tab tom nrhiav kuv, kuv qhib kuv lub siab tos txais koj, thov koj nqes los nyob hauv kuv. Koj yuav muab siab rau ua yam uas nws lo nrog koj lub neej, yam ntawd yog tas txhua tsav puas yam uas tseem ceeb hauv lub ntiaj teb no, nyiaj txiag, suab npe, lub hwj chim, kev ua tiav log, kev sov siab. Tas txhua yam no yog qhov ua kom Tswv Ntuj lub nkoj cua tsawg nyuab. Txhua yam no yog qhov kaw lub qhov rooj uas Yes Xus yuav nkag mus, ces koj yuav tshem tas txhua yam ntawd tawm mus. Thov coj tus yam ntxwv ruaj khov nyob hauv fab ntsuj plig, yuav txawj thim xav thiab ua ncaj ncees rau qhov khoom plig uas Tswv Ntuj muab rau koj. Kev nrhiav Tswv Ntuj uas zoo txhij zoo txhua, yog lub txiaj ntsim ntawm fab ntsuj plig. Peb xaiv Tswv Ntuj tsawg dua qhov Tswv Ntuj xaiv peb, ces thov tso txhua yam uas tav kev ntawd pov tseg, koj lub neej fab ntsuj plig thiaj yuav maj mam hloov mus.