Kev ua Yes Xus Thwj Tim

By Hmong Service, 07 January, 2026

Kev ua Yes Xus Thwj Tim.

Hnub no peb muaj Zam ntawv Moo Zoo hauv ntu kawg hauv zaj 21, uas muaj cov ntsiab lus hais txog kev ntseeg muaj nqis heev. Thiab hauv liv xwm kuj nyiam cov lus no uas yog muab los ntawm txhua yam. Yam uas kuv xav tau yuav ua kom nkag mus txog zaj no yog hais txog Pob Zeb. Leej Ntshiab Pob Zeb tus loj uas yog tus thawj coj ntawm cov Thwj Tim. Nws yog lub pob zeb uas Yes Xus txhim lub Koom Txoos. Yes Xus lub tuam tsev teev Ntuj yog lub Koom Txoos uas loj tshaj nyob ntiaj teb no. Muaj plhom leej neeg tuaj hawm nws lub ntxa. Li ntawd, tsis muaj leej twg ua xyem xyav txog qhov tseem ceeb thiab kev ua tus loj ntawm Pob Zeb. Txawm li cas kuj xij, tsis muaj ib lo lus nug twg tias lub Moo Zoo hais txog Pob Zeb yog tus neeg meej pem heev. Yog qhov uas peb txhua tus tuaj yeem kawm kom paub los ntawm Pob Zeb thiab Tswv Ntuj lub tswv yim uas ua rau Leej Ntshiab Pob Zeb.

Ua ntej Yes Xus yuav pom tas txhua yam thiab ntau yam nyob hauv Pob Zeb. Ntawd yog qhov laij thawj uas Yes Xus xaiv Pob Zeb los ua tus thawj ntawm cov Thwj Tim. Yes Xus ntsia pom kev ua tus thawj, lub tswv yim thiab tas txhua yam. Tsis muaj ib lo lus nug ntxiv tias : nov yog kev zeem tseeb txog qhov ua tus loj ntawm Yes Xus.

“Koj yog Yes Xus Pleev ! Tswv Ntuj Leej Tub tus muaj txoj sia.” Ntawd yog lub pob zeb uas Yes Xus txhim nws lub Koom Txoos. Tsis txhob ua xyem xyav txog qhov tseem ceeb ntawm Pob Zeb. Tab sis yuav nco qhov nyob hauv Xis Xas Lias Fis Lis Pos phau ntawv, tom qab kev daws txhaum. Thaum Yes Xus hais txog Ntoo Cuam thiab Pob Zeb hais tias : “Huab Tais, thov kom yam no txhob tshwm sim rau koj.”

Yes Xus hais tias : “Koj khiav mus nyob tom kuv nrob qaum, Xas Tas.” Tom qab Yes Xus tis npe rau nws ua Pob Zeb, Yes Xus kuj paub txog qhov tsis zoo ntawm Pob Zeb thiab. Tam sim no peb pom lawm tias nws yog dab tsi, thiab nws ua teeb meem tas mus li ? Ntawd yog kev ntxub Ntoo Cuam. Yog ! Nws lees tias Yes Xus yog Tswv Ntuj. Tab sis nws tsis xav tau Ntoo Cuam. Qhov ntawd yog qhov Yes Xus hu nws ua Xas Tas. Peb thiaj pom yam no nyob hauv lub Moo Zoo thiab hauv Pob Zeb hais txog Yes Xus kev txom nyem thiab kev tuag. Ntawd yog tus yam ntxwv phem ntawm Pob Zeb uas pom meej tseeb.

Peb pom nws nyob qhov twg ? Peb nco puas tau tias hauv Zam ntawv Moo Zoo hauv pluas hmo kawg, thaum Yes Xus ntxuav cov Thwj Tim ko taw. Peb paub txog qhov ntawd zoo. Tab sis kev ua li ntawd ntawm Yes Xus, yog qhov qee leej poob siab uas zoo li nws yog tus loj, tab sis ho nyob hauv tus yam ntxwv no. Nws yog qhov uas koj tsis thov kom koj tus qhev ua thiab. Tab sis Yes Xus ua yam no rau nws cov Thwj Tim. Yog tas nrho qhov uas ntawv Moo Zoo hais txog, tsis yog lod ? Ntawd yog Yes Xus lub neej, tsis yog neeg txoj kev yeej. Nws yog txoj kev ua luag tub txib thiab ua neeg me. Leej twg ua li no ? Pob Zeb yog tus thawj coj ntawm cov Thwj Tim, Pob Zeb yog lub pob zeb uas hais tias : “Koj yuav tsis ua li ntawd rau kuv.” Ntawd txhais tias nws tab tom tiv Yes Xus txoj kev. Nws lees txhaum yog kawg, tab sis nws tsis nkag siab kev tiv Ntoo Cuam uas nws pom. Tsis yog, koj yuav tsis ntxuav kuv ko taw. Peb tau hnov zaj no nyob hauv Lus Kas ntawv Moo Zoo. Yog ib lo lus uas txaus ntshai tshaj nyob hauv ntawv Cog Lus Tshiab.

Nov yog Yes Xus tab tom hais rau Pob Zeb “Xis Moos koj mloog mog ! Xas Tas tau yaj nej xws li cov mov mog, tab sis thaum koj tig nrob qaum mus, koj yuav ntxiv zog rau koj cov kwv tij.” Yuav nco tias Yes Xus hais tias :

“Koj khiav mus nyob tom kuv nrob qaum, Xas Tas.” Xas Tas ua kom koj ya li lub mov mog. Ntawd yog txhais li cas ? Ntawd yog qhov kheev kheev pom nyob hauv kev yaj mov mog ntawm cov npluag txheej thaud. Nej nco puas tau thaum Zam Ntxuav Plig hais txog yaj nplej ? Yog tib zaj tswv yim. Koj muab cov noob mog pov mus rau saum nruab ntug, thiab cua tshuab cov noob mog tawm ntawm cov npluag, nws ya thiab sib faib. Tam sim no Xas Tas tab tom yaj, ntawd txhais li cas ? Txhais tias Xas Tas tab tom cais qhov zoo zoo ntawm koj tawm mus kom tas, kom nws tshuav zoo li lub npluag thiab khaws cov npluag rau tom qab. Nws yog daim duab uas txaus ntshai kawg. Thov xav tias peb txhua tus muaj qhov zoo thiab qhov tsis zoo nyob hauv peb. Sim xav tias tam sim no Xas Tas tab tom xaiv qhov zoo thiab qhov tsis zoo tawm mus. Muab qhov zoo zoo pov nrog cua tshuab mus, kom tshuav qhov phem tshaj plaws nyob hauv peb xwb. Koj puas paub tias dab tsi ua kom peb kheev kheev zoo li no ? Kev kub ntxhov, kev sim thiab kev txom nyem. Tej zaum koj yuav ua tau lub neej zoo thiab koj paub tias koj yog neeg zoo thiab neeg phem. Tus neeg zoo yuav yeej, tab sis thaum txog sij hawm sim, kuj muaj qee yam tshwm sim ua kom qhov zoo thiab qhov phem ntawm koj sib faib. Tab sis kev phem kuj tseem tshuav. Qhov ntawd yog qhov Yes Xus tab tom hais rau Pob Zeb thiab yog qhov tshwm sim tam sim no. Lawv tab tom raug Xas Tas lim nyob hauv kev txom nyem, thiab dab tsi yuav tshwm sim tuaj ? Lawv tuaj txog Nkes Ntxes Mas Nis, Yes Xus tab tom ntxhov siab. Nws coj Pob Zeb, Yas Kos thiab Zam tus Thwj Tim uas nws nyiam nrog nws mus. Yes Xus teev Ntuj thiab nws tawm hws. Tab sis Pob Zeb tsaug zog. Nyob hauv Ntawv Ntshiab kev tsaug zog yog qhov tsis zoo. Txhais tias Pob Zeb tsis quav ntsej txog. Txhais tias koj tsis npaj siab yuav ua. Txhais tias koj tsis sawv nyob nres nroos. Yes Xus hnov dab tsi ? Xis Moos, puas yog koj tab tom tsaug zog ? Sawv thiab teev Ntuj kom koj tsis txhob raug txiav txim. Ntawd yog kev txiav txim. Xas Tas yaj koj xws li yaj cov noob mog. Koj puas pom txog qhov no ? Pob Zeb tsis xis nyob, nws tsis zoo li.

Dhau ntawd kuj los txog ntu uas phem tshaj plaws.

Yes Xus raug luag ntes, Pob Zeb raws Yes Xus mus thiab lawv coj Yes Xus mus hauv tus Thoob Xwm Ntawv lub tsev. Yes Xus zaum nte taws thiab yog lub caij yuav tsaus ntuj uas no heev. Pab neeg uas nrhiav tus yaj them txim kuj pib sib sau. Koj yog tus nrog Yes Xus nyob, muaj neeg hais tias Pob Zeb tsis lees. Nws hais tias yog lwm tus nrog Yes Xus nyob. Lawv hais tias nws yog ib tug nyob hauv, tab sis Pob Zeb rov qab tsis lees. Lawv rov hais tias Pob Zeb yog ib tug nyob rau hauv, vim nws yog neeg Nkas Lis Lais. Nws lub suab hais lus ua rau lawv paub. Pob Zeb hais tias :

“Kuv tsis paub tus neeg no.” Xas Tas yuav lim koj xws li noob mog, nws cais qhov zoo tawm mus thiab tseg qhov tsis zoo nyob hauv koj. Koj yuav pom Pob Zeb tsis kam lees Yes Xus 3 zaug, 3 zaug uas nws tsis lees tias nws paub Yes Xus raws li Yes Xus hais. Pob Zeb yuav quaj thiab tu siab ib yam li Yus Das. Nov yog qhov Pob Zeb tsis kam lees paub Yes Xus. Yog Leej Ntshiab Pob Zeb tus uas yog lub Cim ntawm lub Koom Txoos.

Peb los tham txog Zam ntawv Moo Zoo ntxiv mus, Tam sim no Yes Xus sawv hauv cov tuag rov los. Hnub Chiv hauv lub Caij Hla Pob Zeb khiav mus saib lub ntxa, tab sis lawv tab tom nuv ntses nyob hauv lub hiav txwv Tis Npes Lias. Lawv rov los lawv qub tsev lawm. Pob Zeb nyob saum nkoj, nws nrog 7 leej nyob. Kuv yuav mus nuv ntses, peb yuav nrog koj mus. Nov yog lub Koom Txoos. Thaum twg kuj xij, yog koj pom Pob Zeb nrog lwm tus Thwj Tim nyob hauv nkoj, mas daim duab ntawd yog lub Koom Txoos. Lawv nuv ntses ib hmos lawv tsis tau dab tsi li. Thaum sawv ntxov, lawv pom tus duab no nyob ntawm ntug hiav txwv. Pob Zeb hais rau lawv kom pov lub vas rau ntawm lub nkoj ib sab. Lawv hais tias peb tau ua li no los ib hmos lawm. Txog qhov kawg lawv kuj puav tau ntses ntau, thiab lawv tau 153 tug ntses. Qhov no Zam paub tias yog Yes Xus ua. Yam uas kuv xav qhia koj kom pom tam sim no yog qhov tias lawv tab tom puav ntses, lawv tsis hnav khaub ncaws. Ib yam li qhov pib hauv ntawv Hauv Paus, As Das tsis hnav khaub ncaws. Vim li cas As Das thiaj khiav nkaum Tswv Ntuj tom qab nws ua txhaum thiab nws txaj muag ? Leej twg qhia tias koj liab qab, puas yog koj noj lub txiv ntawm tsob ntoo txwv tsis pub noj ? Kuj ib yam li Pob Zeb tam sim no thiab, nws yog tus sawv cev ntawm tas peb txhua tus uas yog neeg txhaum. Peb txhua tus raug Xas Tas lim. As Das txaj muag liab qab nyob ntawm Tswv Ntuj xub ntiag, ces nws thiaj hnav khaub ncaws. Thaum lawv los txog tim ntug, Yes Xus twb npaj txhiam xws rau lawv noj lawm. Dhau ntawd Yes Xus pib qhuab qhia lawv hauv fab ntsuj plig. Yes Xus coj Pob Zeb mus deb me ntsis, nws hu Pob Zeb tias Xis Moos, Zam tus tub. Koj puas nyiam kuv tshaj lawv ? Pob Zeb teb tias :

“Yog lawm, koj paub tias kuv nyiam koj.” Yes Xus rov nug Pob Zeb tib lo lus tias : “Xis Moos, koj puas nyiam kuv ?” Pob Zeb teb tias : “Huab Tais, kuv nyiam koj.” Yog koj nyiam kuv, mas thov koj yug kuv cov yaj. Tus mus raws Yes Xus qab hauv kev ntxuav taw, yog hais txog kev txais Ntoo Cuam hauv kev muab tus kheej los ua hauj lwm thiab nyiam luag tej. Tam sim no peb hnov Yes Xus tab tom hais txog kev tuag uas Pob Zeb yuav tau txais. Yes Xus ob phab tes nrhab nyob saum Ntoo Cuam nyob Los Mas. Lo lus hais tias pab saib kuv cov yaj, saib kuv cov yaj. Kuj ib yam li peb rov hais rau Yes Xus tias :