Kev sawv rov los. (The Resurrection)
Kev sawv rov los ntawm Yes Xus yog theem kawg nkaus ntawm cov neeg ntseeg. Yog Yes Xus tsis sawv hauv qhov tuag ros los, cov Tswv Qhia, cov Txiv Plig thiab cov neeg ntseeg tsim nyog rov mus tsev thiab ua lawv tej hauj lwm nrhiav noj nrhiav haus. Yog Yes Xus tsis sawv hauv qhov tuag rov los, cov neeg ntseeg sawv daws tsim nyog tawm ntawm tsev teev Ntuj mus ib yam. Leej Ntshiab Paj Lug hais li no tias :
“Nej mloog ! Yog Yes Xus tsis sawv hauv qhov tuag rov los, mas peb tej lus qhia yog nkim pov tseg thiab peb tsis zoo dab tsi kiag li.” Kev muab siab rau piav txog kev sawv rov los, los yog hais lus qhuas tus kheej nws yog dag neeg, yog tus yam ntxwv, los yog qhov yus paub yog qhov tsis zoo. Ntseeg qhov kuv qhia koj mas ! Lawv tau muab siab rau txij puag thaum pib muaj lub Koom Txoos los txog rau tam sim no, yog vim qhov ntawd tiag tiag thiab kom txaus ntseeg dua qub, kom tej lus tiv muaj tsawg zuj zus.
Tsis muaj ib qho ncaj ncees rau yam tshwm sim tshiab thiab kev txawv nyob hauv cov lus hauv Ntawv Ntshiab, yam uas tshwm sim nyob hauv Ntawv Cog Lus Tshiab txhua phab. Kuv tau qhia tias nws yog qhov yooj yim uas nkag mus rau Ntawv Cog Lus Tshiab, nws tsis zoo li lwm phau ntawv ntawm fab ntsuj plig, ntawv kev teev hawm los yog ntawv kev txawj ntse thiab lwm yam. Tsis muaj dab tsi txawv txav txog qhov ntawd, tab sis thaum koj nyeem tej ntawd nyob hauv Ntawv Cog Lus Tshiab, thov koj ntseeg kuv. Koj yuav pom qhov sib txawv, vim cov neeg ntawd lawv tsis rov hais cov lus qub thiab muaj qee yam tshwm sim rau lawv, nws tshwm sim sai, txawv thiab txaus txhawj. Ces thiaj ua rau lawv yuav tsum qhia kom tas ntiaj teb paub txog zaj no. Kuv rov hais dua ib zaug tias : yog Yes Xus tsis sawv hauv qhov tuag rov los, mas txoj kev ntseeg yog kev dag thiab yog ib zaj txaus luag.
Tab sis yog Yes Xus sawv hauv qhov tuag rov los tiag, mas txhais tias txhua yam nthuav tawm hais txog Yes Xus muaj tiag. Yes Xus yog Tswv Ntuj lub hwj chim thiab nws yog qhov tseem ceeb ntawm koj lub neej.
Kev sawv rov qab los ntawm Yes Xus, ua rau peb muaj ntau txoj kev xaiv txaus ntshai npaum no. Yog koj xav tau, qhov kuv hais yog hais txog tias : tsis hais koj yuav nyob nrog nws los koj tiv nws, yog nws tsis sawv hauv qhov tuag rov los, nws kuj zoo li tus neeg vwm uas yuam kev. Ces koj yuav xav tias tsis txhob nkim ub nkim no rau nws yam tsis muaj qab hau kiag. Nws raug tua tuag thiab raug pov rau hauv qhov ntxa.
Peb tsis tsim nyog nkim sij hawm los nco txog nws, yog nws tsis sawv hauv qhov tuag los. Nws kuj yog zoo li lawv hais tseg tias : txij ntawd, nws yuav yog Tswv Ntuj Leej Tub. Nws yog qhov chaw nyob ruaj khov uas lub ntiaj teb kiv ncig. Koj yuav nyob nrog nws los koj yuav tiv nws. Hnub no, peb txhua tus nyob hauv Hnub Chiv Ntshiab, peb yuav yuam peb lub siab los xais yam ntawd. Thaum peb nco txog zaj ntawd lawm, kuv tsuas xav tias yuav tsum ua kom pom tias kev sawv rov los yog qhov tseeb. Kuv xav soj ntsuam qhov tseeb txog lub ntiaj teb thiab kev sawv rov los. Hais txog lub ntiaj teb, kuv tsis tau hais tias tsis zoo thiab peb yuav tsum khiav ntawm lub ntiaj teb mus. Peb tej kab lis kev cai tsis tau yog qhov tob tshaj ntawm lub ntiaj teb. Lub ntiaj teb nws zoo tiag thiab yog qhov tseeb ntawm kev zoo txhij zoo txhua, ces kuv yuav tsis tiv nws ib qho hlo li. Txhua yam nyob hauv lub ntiaj teb no nws tshwm sim ib ntus xwb ploj mus lawm, nws tuaj thiab mus. Sim xav txog tej nroj tsuag, tej me kab thiab txhua hom tsiaj seb, yav tag los nws tshwm sim li cas ? Txhua yam tawm tuaj ib pliag xwb ploj mus, tab txawm cov hnub qub nyob saum ntuj kuj ib yam, nws tawm tuaj thiab ploj mus. Peb yog tib neeg tsis muaj zog. Tus sau Nkauj Paj Nruag hais tias : “Peb lub caij nyoog yog dab tsi ?” Tus nyob laus thiab nyob ntev puas yog 70 thiab 80 xyoo ?
Peb yug los thiab tuag mus, tas txhua yam kuj yog zoo ib yam li ntawd. Peb tab tom hais txog peb txoj kev ntseeg tias Tswv Ntuj yog tus tsim tas txhua tsav puas yam muaj txoj sia thiab tsis muaj txoj sia, yam qhov muag pom thiab tsis pom. Tswv Ntuj yog tus nyob siab dua tas txhua yam hais los no. Koj puas pom tias Yes Xus txoj kev sawv hauv qhov tuag rov los, nws qhib qhov rooj mus txog Ntuj Ceeb Tsheej tau li cas ? Tsis yog tias nws yuav tshwm sim rau txhua leej txhua tus, tab sis kev qhib qhov rooj uas hla Yes Xus txoj kev sawv rov los, peb yuav ntsia pom lub Ceeb Tsheej uas nyob siab dua. Peb lub neej yuav muaj qhov ntxim siab tshiab tshiab, peb lub hom phiaj tshiab kuj nyob siab dua thiab. Nihilism tsis muaj lo lus kawg “Kev tuag”. Paj Lug hais tias :
“Koj lub qhov txhab nyob qhov twg ?”
Kev hais txog qhov tuag yog hais txog qhov tob tshaj nyob hauv lub ntiaj teb no.
Hais txog qhov ob ntawm kev sawv rov los, cov nom tsis ncaj ncees paub tias lawv lub caij nyoog tas lawm. Thov kom koj nco ntsoov tus Ntoo Cuam cia, tus Ntoo Cuam uas Yes Xus tuag nyob saud. Ntoo Cuam yog lub tswv yim ntawm cov vaj Los Mas uas zeem tseeb txog lub hwm chim thiab coj cov tiv Ntoo Cuam los hwm Ntoo Cuam. Los Mas tua neeg li ntawd thiab lawv cov tub rog txeeb teb chaws. Tab sis Ntoo Cuam yog lub tswv yim phem thiab txaj muag heev, nws ua rau Los Mas poob hwj chim qhov lawv muab neeg tua li ntawd. Ces thiaj cia Ntoo Cuam rau cov neeg ua qhev thiab tsoom pej xeem txheej qis uas yog neeg ntxim ntxub. Ntoo Cuam yog kev ntshai tuag, txhua yam muaj nyob ntawm Ntoo Cuam. Li ntawd, cov neeg pom Yes Xus tuag nyob hauv Hnub Rau Ntshiab, yog cov nyiam Yes Xus, yog tus nyiam mloog Yes Xus cov lus, yog cov Yes Xus ua hwj huam yees ntxwv kho lawv zoo thiab yog cov xav tias Yes Xus yog His Xas Lais tus Mes Xias. Qhov kawg tus no yog tus pab peb dim ntawm cov yeeb ncuab, nov yog Tswv Ntuj tus Mes Xias.
Zaj no koj yuav saib tau nyob hauv Ntawv Ntshiab. Qhov Yes Xus sawv rov los ua kom pom tias Tswv Ntuj txoj kev nyiam kev hlub muaj zog dua tas txhua yam nyob ntiaj teb no. Koj puas pom tias txij lub Koom Txoos lub hauv paus los txog tam sim no, ua rau cov ntxeev siab lawv tshee, vim yam uas lawv muaj yog kev ntshai tuag. Lawv tej riam phom yog kev caij tsuj cov yeeb ncuab. Tab sis Tswv Ntuj txoj kev nyiam kev hlub muaj zog dua cov yeeb ncuab txoj kev nyiam kev hlub.
Sim los saib thawj pab neeg ntseeg seb, lawv tsis muaj dab tsi li. Lawv tsis yog ib feem hauv kev tseev tsim. Tsis yog nom tswv kav pej xeem. Lawv tsis muaj tub rog nyob ntawm lawv pob tw. Lawv tsuas muaj tsis pes tsawg leej xwb. Tab sis vim lawv lub siab taw, lawv tshaj tias lawv yuav muaj ib tug vaj tshiab nyob hauv lawv lub nroog. Los txog rau txheej nyem no uas yog Zam Paj Lug Ob, nws yog neeg Pos Kas. Nws yog tus tiv cov teb chaws caij tsuj pej xeem. Nws tshaj tias Yes Xus tuag nyob saum Ntoo Cuam thiab sawv rov los, nws hais tias cov nom tsis ncaj ncees lawv yuav tsis muaj hwj chim ntxiv.
Cov lus tseem ceeb nyob hauv zaj nyeem ob hauv lub Caij Hla, yog hais txog Yes Xus kev sawv rov los, yog txoj kev cawm uas npaj rau ib zeej tsoom neeg.
Paj Lug hais tias : “Tab txawm Yes Xus nyob hauv Tswv Ntuj, tsis kav nws kuj tsis tau xav tias nws nrog Tswv Ntuj muaj vaj huam sib luag.” Nws yog neeg thiab nws ua neeg me. Yes Xus pib ntawm Leej Txiv uas yog Tswv Ntuj tus duab, nws nqes los ua neeg thiab ua lub neej zoo li peb, nws zoo siab txais kev tuag.
Paj Lug tseem hais ntxiv tias : “Kev tuag nyob saum Ntoo Cuam, thiab txij no mus tsis muaj lwm txoj kev ntshai ntxiv.” Kev tuag nyob saum Ntoo Cuam, vim li cas Leej Txiv thiaj xa nws Leej Tub tuaj tuag zoo li no. Vim kev tuag yog kev sawv rov los, thiab yog kev muaj hwj chim nyob siab dua tas txhua yam. Tas sawv daws yuav txhos caug pe hawm nws nyob saum ntuj, nyob ntiaj teb no thiab nyob hauv qab npoo av.
Tas txhua haiv neeg yuav cav txog Tswv Ntuj lub koob meej tias :
“Yes Xus yog Tswv Ntuj los ntawm Yes Xus lub npe.”
Koj puas pom yam uas nws ua ? Leej Txiv xa Leej Tub tuaj kom tau puag tas sawv daws raws li Tswv Ntuj lub hom phiaj. Nws sawv hauv qhov tuag rov los, Leej Txiv hu Leej Tub rov los muaj hwj chim nyob hauv Leej Ntuj Plig Ntshiab. Qhov tiag Tswv Ntuj hu peb sawv daws kom rov los cuag nws dua ib zaug raws li kuv tau hais tas lawm. Thaum peb ncaim ntawm Leej Txiv, mas peb yog neeg txhaum.
Peb kuj tsis tuaj yeem khiav dhau Tswv Ntuj txoj kev khuv leej. Yog peb lees txais Leej Tub kev khuv leej, peb kuj tuaj yeem sawv tau thiab rov mus cuag Leej Txiv tau nyob hauv Leej Tub.
Kev sawv rov los yog hais txog kev sau tas ib zeej tsoom neeg ntseeg kom tau ntsib Tswv Ntuj. Yog qhov qhia tias Tswv Ntuj xa nws Leej Tub tuaj kom tau coj tas sawv daws mus nyob hauv Leej Ntuj Plig Ntshiab txoj kev sawv rov los.
Tseem tshuav ntau zaj uas peb tuaj yeem sau tau tej daim duab zoo zoo, vim nov yog theem kawg ntawm cov neeg ntseeg txoj kev ntseeg. Yog Yes Xus tsis sawv hauv qhov tuag rov los, peb tej lus tshaj yuav tsis txi txiv. Tab sis nyem no Yes Xus sawv rov los lawm. Qhov no yog lub Moo Zoo uas loj tshaj. Vim li ntawd peb yuav tsis nkim pov tseg, vim qhov tseeb uas loj tshaj no cog rau peb los txog niaj hnub nyem no.
Thov Tswv Ntuj foom hmoov zoo rau koj ! Thiab sov siab nyob hauv lub Caij Hla. Ua tsaug rau koj lub sij hawm mloog peb. Yog tias koj nyiam peb cov zaj, mas kuv thov koj qhia rau lwm tus kom lawv nkag mus saib peb tus Youtube.
