Kev nyob sov siab uas lub ntiaj teb tsis tuaj yeem muab tau. (The Peace that the World Can’t Give)

Kev nyob sov siab uas lub ntiaj teb tsis tuaj yeem muab tau. (The Peace that the World Can’t Give)

Hnub no kuv xav muab qhov ntxim siab mus rau Paj Lug tsab ntawv uas sau mus rau cov ntseeg nyob Fis Lis Pos, yog ntawv Fis Lis Pos zaj 4 : 4-7)

Kuv rov caw nej dua ib zaug, thov nej muab phau Ntawv Ntshiab tawm los thiab nyeem Paj Lug tsab ntawv uas nws sau mus rau cov ntseeg nyob Fis Lis Pos. Koj tuaj yeem nyeem ib zaug tas nrho, vim tsab ntawv no luv heev. Nws yog tsab ntawv tseem ceeb kawg thiab muaj ntau yam txiaj ntsim qab hau.

Kuv xav taw mus rau thawj ob peb kab lus nyob hauv tsab ntawv no. Tej zaum nws yuav hla peb lub tswv yim mus sai heev, tab sis cov lus no nws ntxim siab thiab nthuav qee yam uas yog lub ntsiab tseeb tiag hauv lub neej fab ntsuj plig.

Li ntawd, thov peb los mloog Paj Lug cov lus ua ke zim txwv no.

“Kwv tij sawv daws ! Thov nej zoo siab hom khaj nyob hauv Tswv Ntuj mus li.”

Kuv thov hais dua ib zaug tias : “Thov zoo siab hom khaj.”

Lo lus zoo siab hom khaj, yog lo lus txhib hauv xeem lus Latin hais txog kev zoo siab.

Thawj yam uas ntxim siab yog qhov koj hais tias :

“Koj puas yuav hais kom ib tug neeg twg zoo siab hom khaj tau ?”   

Kev sov siab ntawd tshwm sim ib pliag thiab ploj mus, puas yog nyob rau ntawm lub sij hawm ntawd ? Yog tias koj xav hais rau ib tug neeg twg tias : “Hej, ua siab txias me ntsis.” Mas lawv yuav xav tias yog qhov dhuav siab thiab tsis muaj qab hau dab tsi. Qhov kev sov siab ntawd yog nws tshwm sim nws tsis yog lod ?

Nov yog lo lus txhib uas qhia tej yam tseem ceeb rau peb.

Kev sov siab uas Paj Lug hais txog, tsis yog nyob hauv peb kev npau taws uas hais tias sov siab los zoo siab. Kuv tsis tau hais lus saib tsis taus nws, nws yog kev xav zoo zoo uas tawm los. Nws tshwm sim los ntawm qhov zoo zoo uas koj tau hnov lwm tus qhuas los yog ib hnub zoo, ces koj txoj kev xav yuav zoo tuaj. Qee zaum koj txoj kev xav qis heev, koj ntsoos los koj chim, nws yog qee hnub nyob hauv koj.

Zoo siab hom khaj, kuv rov hais dua ib zaug ntxiv tias zoo siab hom khaj, thiab Tswv Ntuj hais txog dab tsi ? Tswv Ntuj tsis tau hais txog kev npau taws hauv lub neej, tab sis Tswv Ntuj tab tom hais txog kev sov siab uas nkag los hauv koj lub neej.

Thaum Paj Lug hais tias : “Tsis yog tias kuv tseem muaj txoj sia nyob, tab sis yog Yes Xus uas muaj txoj sia nyob hauv kuv.” Nws tab tom hais txog dab tsi ? Nws tsis tau hais tias kev txawv txav hauv nws lub neej pauv mus. Nws tab tom hais txog tias nws tau pom qhov tob nyob hauv nws. Yog Yes Xus nyob hauv. Yes Xus zoo li nag hmo, hnub no thiab mus tas ib txhis. Yes Xus txuas nrog qhov nyob mus li ntawm Tswv Ntuj, ces thaum koj vam khom txog qhov ntawd hauv fab ntsuj plig. Mas koj yuav muaj kev zoo siab mus ib txhis. Nws tsis yog los thiab ploj mus, tsis yog qhov kev npau taws, nws yog qhov tob uas hu ua kev sov siab. Nyob hauv xeem lus Hes Nplaws hu ua Shalom. Thaum Yes Xus sawv rov qab los thiab nws hais Shalom rau cov raws nws. Yes Xus tsis tau txhais tias : “Thov kom koj nyob hauv kev zoo siab tas mus li.”

Qhov Yes Xus tab tom hais yog : “Thov kom koj muaj kev thaj yeeb nyab xeeb ntau dua kev nkag siab. Yog kev thaj yeeb tiag uas lub ntiaj teb tsis tuaj yeem muab tau.” Koj sim saib seb, qee zaus lub ntiaj teb muab tsis tau kev sov siab sab nraud rau koj, tsuas muaj Tswv Ntuj xwb thiaj tuaj yeem muab tau txoj kev sov siab tiag tiag rau koj.

Kuv tau siv dua cov duab no los lawm, cov duab no yog los ntawm lub keeb kwm loj heev. Cov duab no yog qhia txog kev pauv ntxeev. Qhia txog peb lub neej zoo li nyob ntawm ib lub log tsheb. Peb yuav cia peb lub neej nyob nruab nrab ntawm lub log tsheb thiab cia nws kiv mus.

Tam sim no thov coj peb los rau ib lo lus uas yog lo lus hauv fab ntsuj plig. Sab  hnub tuaj thiab sab hnub poob faib lo lus no tias “apothea” los “Indiferencia” hauv xeem lus ntawm Ignatius of Loyola, txhais tias kev tsis quav ntsej. Vim kuv tsis tau nyob hauv lub ntuj uas kev npau taws pauv ntxeev tas mus li, tab sis kuv nyob hauv qhov tob dua no. Nov yog qhov Leej Ntshiab Teresa Avila hu ua Huab Tais lub tsev sab hauv. Nws muaj lub npe zoo heev puas yog ? Sim xav tias koj ua lub neej nyob hauv nras liaj thiab koj raug luag tej ntaus yooj yim thiab lwm yam. Thaum koj tawm ntawm nras liaj mus rau lub tuam tsev. Koj nkaum nyob tom qab ntawm daim phab ntsa siab siab no thiab koj yuav nyob nyab xeeb. Peb coob leej ua lub neej nyob sab nraud ntawm lub ntiaj teb uas muaj ntau yam kev pauv ntxeev, ces koj yuav ua li cas hla dhau tej kev pauv ntxeev no. Kev pauv ntxeev tseeb tiag thiab koj tsis tau ua lub neej nyob hauv nras liaj, tab sis koj ua lub neej nyob hauv lub tuam tsev. Koj sim xav txog cov nplaim dej hiav txwv seb, qee zaus huab cua kuj zoo li ntawd. Tab txawm lub hiav txwv Pas Xis Fiv los yog dej hiav txwv As Laas Tis kuj nyob ntsiag to, tsis muaj dab tsi los cuam tshuam tau. Thaum muaj cua los ntaus, huab cua hloov, nplaim dej yuav sawv ua dej nphau. Ntawd yog lub neej ntawm tib neeg. Tam sim no txhua yam tab tom mus tau zoo, kuv muaj kev sov siab, kuv tsis npau taws lawm, vim txhua yam nyob tus. Tab sis koj puas paub tias nws yuav hloov mus ?  

Paj Lug hais ntxiv tias : “Txhob poob siab, tab sis yuav hais rau Tswv Ntuj nyob hauv txhua lo lus thov thiab ua tsaug.” Paj Lug twb ntsib kev poob siab los ntau, nws piav rau peb tias nws caij nkoj thiab nkoj tawg ntau zaus. Nws raug luag xuas pob zeb txawb kom tuag. Nws raug ntiab tawm hauv nroog. Luag hiam nws thiab nrog nws sib cav. Paj Lug yog tus neeg muaj tus xeeb ceem txawv txav. Koj yuav ntsia pom tej yam no thaum nws nrog luag tej sib cav.

Sim xav txog cov Leej Ntshiab ib pliag. Cov Leej Ntshiab feem coob ua lub neej hauv kev tsis sib haum xeeb thiab muaj kev txom nyem ntau yam. Tab sis lawv ntsib qee yam. Qhov ntawd yog qhov lawv tau ua Leej Ntshiab.

Dab tsi ua rau Leej Ntshiab Teresa Calcutta tuaj yeem nkag mus hauv qhov chaw neeg nyob coob coob thiab phem tshaj plaws hauv ntiaj teb no, thiab nws pib ua cov hauj lwm nyuab nyob ntawd ? Tab sis nws tsis ntxhov siab kiag li.

Paj Lug hais tias : “Thov zoo siab hom khaj. Koj yuav nrhiav thaj chaw ntawd kom pom, koj mus nyob ntawd.” Paj Lug kom thov Ntuj thiab ua Tswv Ntuj tsaug. Thov hais koj cov lus thov rau Tswv Ntuj.

Koj yuav thov Ntuj tias : “Tswv Ntuj ! Thov koj pab kuv.”

Peb los mloog lo lus luv luv hauv hnub no seb nws yuav xaus li cas ? Yog koj ua li ntawd nyob hauv kev thov Ntuj thiab kev ua tsaug. Kev ua tsaug nws tuaj yeem coj koj mus txog qhov tseem ceeb tau. Koj yuav hais tias : “Tswv Ntuj, kuv thov ua koj tsaug rau txhua yam uas kuv muaj.” Ces Tswv Ntuj kev thaj yeeb uas nyob siab dua kev nkag siab yuav txuag koj lub siab nyob hauv Yes Xus. Kuv thov kom nej sawv daws sau lo lus no tseg thiab nquag hais kom nco tau. Kuv vam tias lo lus luv luv ntawd yuav coj koj mus txog qhov kuv tab tom hais txog. Yog kev thaj yeeb uas lub ntiaj teb tsis tuaj yeem muab tau. Nws tshaj qhov koj yuav nkag siab thiab kav tau.

Nws yuav pab txuag koj lub siab nyob hauv Yes Xus. Qhov ntawd yog qhov chaw koj ntsib kev thaj yeeb nyab xeeb.