Hnub Chiv tim 25 lub 1 hlis 2026 (Sunday Homily)
Yes Xus txawj tos lub caij nyoog, Yes Xus tsis ua siab kub, tab sis nws ntseeg tias yam uas Leej Txiv npaj tseg rau nws ntawd yog qhov tseeb. Caij nyoog los txog thaum Zam Ntxuav Plig raug ntes. Thaum Yes Xus hnov tias Zam raug ntes lawm, ces nws rov mus Nkas Lis Lais thiab tso Nas Xas Les tseg. Nws mus nyob Kas Fas Naus ntawm ntug dej ntuj, nyob ntawm Ntxas Npus Loos thiab Nes Tas Lis ciam teb.
Vim li no tus Yaj Saub His Xais lub cim thiaj yog qhov pib ntawm cov kab ke hwm Tswv Ntuj. Nov yog qhov ntau dua kev npau suav, nov yog lub cim qhia txog kev pib txheej neeg tshiab. Yog qhov pib nrog tib neeg sib koom ua ib tug, tus raug kev txom nyem kom tau coj peb mus txog txoj sia. Yav tag los Tswv Ntuj tau ua kom thaj av Ntxas Npus Loos thiab Nes Tas Lis poob qis, tab sis yav tom ntej Tswv Ntuj yuav ua kom dej ntuj thiab tus niam dej Yos Las Das sab hnub tuaj, uas yog lub xeev Nkas Lis Lais ntawm cov pej kum neeg vam meej tuaj. Kev poob qis uas tus Yaj Saub hais txog, yog qhov txaus tu siab thiab mob siab kawg ntawm haiv neeg Tswv Ntuj xaiv, vim qee thaj tsam poob mus rau cov neeg txawv kev ntseeg kav thiab nyob.
Kev tu siab no yog qhov pib ntawm txheej neeg tshiab uas Yes Xus Nas Xas Les hais txog. Tom qab tos los ntev hauv qhov tsaus ntuj nti thiab qhov ntsiag to ntawm Tswv Ntuj. Thiab tos kev tiav log raws cov hauj lwm kev txhais ntawm Zam Ntxuav Plig. Qhov tseeb tiag qhov xaus hauv Ntawv Ntshiab thiab tus me nyuam Yes Xus raws li Mas Tais sau tseg. Yes Xus yug los nyob Npes Les Hes, nyob Yus Das teb.
Thiab raug Yos Xes uas yog nws txiv coj mus rau Nkas Lis Lais teb. Lawv khiav ntawm Hais Nkws Tos teb kom tau mus nyob deb ntawm Yes Lus Xas Les uas yog qhov chaw kev ntseeg thiab kev tseev tsim muaj hwj chim. Yog qhov chaw ua kev kub ntxhov rau Yes Xus raws li kev kub ntxhov uas pom nyob hauv ntu kawg hauv Yes Xus kev tawm rooj. Qhov tseeb tiag uas Yes Xus thim mus nyob deb ntawm tus niam dej Yos Las Das, yog mus rau ib qho chaw deb uas yog thaj av cog lus. Yog qhia txog kauj ruam tom ntej ntawm Yes Xus mus txog peb txoj kev ua neeg.
Qhov uas peb pom Nas Xas Les teeb nyob saum caj qaum roob, yog cov neeg dim ntawm Das Vis caj ces qhov chaw nyob ntawd tseem tsis tau txaus. Tab sis Kas Paws Nas Us uas yog lub nroog nyob ntawm ciam teb, yog qhov chaw hla thiab chaw ntsib ntawm ntau yam. Tus yam ntxwv ntawm lub nroog tsis ntshiab thiab tsis mus raws tus qauv hauv txhua txheej neeg, tam sim no peb xav txog kev thim ntawm lub ntiaj teb ntxhov quav niab. Yes Xus qhia kom peb pom txog kev thim rov qab mus rau lub ntiaj teb uas nkag siab tias ; yog kev tshuam ntawm txoj sia. Yes Xus txais rab pas nrig ntawm Zam Ntxuav Plig txuas ntxiv, tab sis cov hluav taws hauv lub cub tawg ntawd yog los ntawm nws lub siab raws li cov Hauv Paus Xa Lus piav tias :
“Leej Pleev tsis tau xa kuv mus ua lub Cim Ntxuav, nws xa kuv mus tshaj Ntuj lus, kom kuv txhob muab tej lo lus thoob tsib zoo mloog los tshaj nws lus, txhob ua nws tus Ntoo Cuam tag hwj chim.” Kev tig los yuav lub siab tshiab uas Zam Ntxuav Plig tshaj tseg ntawd, tsis yog qhov yuav mus txog lub Ceeb Tsheej ntxiv mus. Tab sis yog txoj kev ntiag tug thiab yog hais txog kev tos txais lub Ceeb Tsheej ntawd. Ib yam li xib hwb hu cov thwj tim kom los raws nws qab.
Yes Xus mus ko taw taug ntug dej ntuj Nkas Lis Lais, nws pom ob kwv tij Xis Moos uas hu ua Pob Zeb thiab nws tus kwv As Nres. Nkawd tseem tab tom pov vas ntses rau hauv dej ntuj, vim nkawd yog tub puav ntses. Yes Xus txoj kev tshiab ntawd tiav log, tsis yog cov Thwj Tim nrhiav Yes Xus, tab sis yog Yes Xus nrhiav cov Thwj Tim raws li tus Yaj Saub Es Lias thiab His Xais cov lus. Dhau ntawd Yes Xus tsis tau hu cov uas muaj peev xwm xwb, nws tseem ua kom lawv rais ua tub puav neeg thiab.
“Neb raws kuv mus, kuv yuav tsa neb ua tub puav neeg.”
