Lo lus pub txoj sia (Word of Life of September)
.Thov nej coj Tswv Ntuj lo lus mus ua neej. Nej txhob cia li mloog lo lus xwb, nej txhob rov dag nej. (Yas Kos 1 : 22)
Lub ntsiab lus yog mloog Tswv Ntuj lo lus thiab coj mus ua raws. Yog qhov tus sau tsab ntawv txhib hais txog Tswv Ntuj cov lus nyob hauv lub hlis no. Nyob hauv tsab ntawv no tseem muaj dua lwm lo lus hais : “Tus muab siab rau kawm ib txoj cai kom nto ntsis, mas txoj cai pub kev ywj pheej rau nws, ces nws nyob nraim hauv txoj cai ntawd.” Kev muab siab rau kawm Tswv Ntuj lo lus thiab coj mus ua raws, pab kom muaj kev ywj pheej thiab coj kev zoo siab tuaj rau nws. Peb yuav hais tias Tswv Ntuj cov lus hauv lub hlis no, nws qhia peb tias vim li cas peb thiaj yuav tsum coj Tswv Ntuj cov lus coj mus ua raws. Tam sim no Tswv Ntuj cov lus ri mus thoob ntiaj teb lawm. Chiv thawj mas peb kawm Tswv Ntuj cov lus ib lis piam ib zaug, tab sis tom qab no peb hloov ua ib lub hlis ib zaug.
Keira Lubic muab Tswv Ntuj cov lus hauv Ntawv Ntshiab los, thiab nws piav tias : “Peb muaj kev sib ntsib, sib tham thiab sib faib. Yog peb muab Tswv Ntuj cov Lus coj mus ua raws, nws yuav txi txiv nyob hauv peb lub neej. Thiab ua kom muaj tej pab neeg sib koom siab ua ib tug. Zoo li cov noob ua kom muaj kev pauv ntxeev nyob hauv zej zog. Tab txawm yog qhov yooj yim thiab tsis nyuab, tab sis txoj kev no pab kom peb nrhiav tau Tswv Ntuj cov lus nyob hauv cov neeg ntseeg zim txwv no. Nov yog ib qho tshiab ntawm kev ua lub neej nyob hauv Tswv Ntuj cov lus thiab muab yam uas tshwm sim coj los qhia rau sawv daws.
Thov nej coj Tswv Ntuj lo lus mus ua neej. Nej txhob cia li mloog lo lus xwb, nej txhob rov dag nej.
Yas Kos cov tsab ntawv tau coj Yes Xus cov lus qhia tuaj rau peb, kom peb tau coj mus siv nyob hauv peb lub neej thiab ua kom Tswv Ntuj lub Ceeb Tsheej nyob nruab nrab hauv peb. Yes Xus hais tias : “Tus neeg mloog Tswv Ntuj cov lus thiab coj mus ua raws, nws txoj hmoo zoo. Tus mloog thiab ua raws, nws yog Yes Xus kwv tij thiab yog Yes Xus niam.” Yes Xus muab Tswv Ntuj cov lus piv rau ib co noob nplej uas tseb nyob hauv av. Yog tus twg mloog thiab qhib nws lub siab dav khaws Tswv Ntuj cov lus cia, kom txi txiv nyob hauv nws. Nyob hauv Tswv Ntuj txhua lo lus, Yes Xus tau qhia kom peb pom txog txoj kev nyiam kev hlub uas Tswv Ntuj pub rau peb.
Keira Lubic hais tias : “Li ntawd, thov peb txais Tswv Ntuj cov lus los ua peb cov ntshav. Ua kom nws rais ua peb cov lus thiab peb yuav pom tias thaum peb coj los siv hauv peb lub neeej lawm, lub zog hauv lub neej yuav tshwm sim li cas. Tsis hais cov nyob ze peb thiab cov nyob ib ncig peb, peb yuav nyiam Tswv Ntuj cov lus mus txog thaum peb tus kheej hloov thiab cov neeg nyob ib ncig peb kuj yuav hloov mus.”
Thov nej coj Tswv Ntuj lo lus mus ua neej. Nej txhob cia li mloog lo lus xwb, nej txhob rov dag nej.
Peb yuav coj Tswv Ntuj cov lus qhia no mus ua raws tau li cas ? Peb yuav tig mus saib peb tej kwv tij phooj ywg nyob ib ncig peb, thiab peb yuav pab raws li lawv txoj kev xav tau. Tsis hais qhov loj los qhov me, peb yuav ua kom pauv ntxeev mus rau qhov ncaj ncees hauv zej zog. Kom tau tiv kev kub ntxhov, txhawb nqa kev ywj pheej thiab kev rov sib haum xeeb. Txhawb nqa neeg txoj kev paub, kom neeg txawj nrog peb txuag lub ntiaj teb.
Yog ua li no, mas kev pauv ntxeev yuav tshwm sim nyob hauv peb lub neej thiab hauv peb tej zej zog nrog rau peb tej chaw ua hauj lwm. Kev nyiam kev hlub yog ua tawm nyob hauv peb cov hauj lwm pab zej zog thiab kev tseev tsim. Nws muaj feem cuam ua kom lub ntiaj teb zoo tuaj. Pab neeg focolarek uas yog ib pab tsawg tsawg nyob Pes Lus teb, lawv tau ua ib lub tsev rau cov neeg tsis muaj tse nyob. Lawv kuj ua tsev rau cov neeg laus nyob thiab tis npe rau lub tsev laus raws li tus thawj coj lub npe. Lub tsev ntawd txhim nyob hauv lub nroog Lamud hauv cheeb tsam Amazon nyob Pes Lus. Qhov chaw ntawd nyob siab dua dej hiav txwv li 2,330 mev.
Lub tsev ntawd pib qhib rau tib lub caij uas muaj tus kab mob COVID-19 sib kis. Lawv txais cov neeg laus uas raug tso tseg tsis muaj neeg saib xyuas mus nyob hauv li ntawm 50 leej. Nyob hauv lub tsev ntawd, muaj toob xib puaj yam siv, muaj lauj kaub tais diav thiab tej zaub mov noj uas tau txais los ntawm cov zos nyob ib puag ncig. Vim yog ib co hauj lwm nyuab, ces teeb meem thiab kev txom nyem yuav tsum muaj.
Peb tau ua hmoov tsuj xeeb lub tsev laus rau lub 3 hlis xyoo tag los. Peb zoo siab tos txais txhua tus tuaj koom. Cov neeg tuaj koom muaj cov tub tseev tsim thiab cov neeg laus uas lawv tuaj tshiab. Muaj cov laus thiab cov me nyuam uas lawv xav tuaj tu cov neeg laus. Ces zoo li qhib ib yim neeg kom vam meej thiab loj hlob tuaj.
Cov lus no sau los ntawm Patricia Massola thiab pab neeg Tswv Ntuj lo lus pub txoj sia.
