Txiv Plig Syukur Dister tus tub tshaj Ntuj lus kawg nyob Pas Puas, tuag thaum nws muaj 87 xyoo
Lub Koom Txoos nyob Is Ntos Nes Xias teb tau ua kab ke pam tuag rau Txiv Plig Syukur Dister uas nws yog ib tug Txiv Plig nyob hauv lub Koom Haum Franciscan. Nws yog kws tshawb fawb thiab kws kev ntseeg. Tus muab tus kheej cev rau kev ua tub txib hauv kev ntseeg. Nws tuag hnub tim 11 lub 4 hlis 2026 nyob Netherlands. Thaum nws tuag nws muaj 87 xyoo. Nws txoj kev tuag mas lub Koom Haum Franciscan piav tias : “Transitus” yog hais txog kev mus txog lub neej nyob mus li.
Txiv Plig Syukur Dister yug hnub tim 7 lub 3 hlis xyoo 1939 hauv lub nroog Maastricht, nyob Netherlands teb. Nws tau ntsib nws txoj kev ntseeg txij thaum yau los lawm. Yog tau txais lub zog txhawb siab los ntawm cov xib hwb thiab kev tawm rooj fiv Ntuj nyob hauv lub nroog Lourdes.
Nws nkag mus koom lub Koom Haum Franciscan los yog OFM, thiab tau txais lub Cim Tiag Tes ua Txiv Plig xyoo 1964. Nws muab tus kheej los ua hauj lwm qhia kev ntseeg thiab kev kawm ntawv. Xyoo 1972 nws tau tuaj txog Is Ntos Nes Xias teb, uas yog qhov chaw nws ua hauj lwm tshaj Ntuj Lus mus tag sim neej.
