Tus Tswv Qhia nyob Is Ntos Nes Xias xyav txog lub zog hluav taws xob qhov kub nyob hauv qab thu dej, nws hais tias lam muab txhua yam nyob ib puag ncig los hais

Tswv Qhia Paulus Budi Kleden nyob Ende hais txog kev txaus ntshai uas yuav tshwm sim rau txhua yam nyob ib puag ncig thiab cov zej zog, yog thawj lub hom phiaj ntawm kev txwv hais txog lub zog hluav taws xob qhov kub hauv qab thu dej thiab pej xeem. Lub Cheeb Koom Txoos yog txhim nyob hauv lub pov txwv Flores, uas yog lub pov txwv tsoom pej xeem feem coob yog Kav Tos Liv, nyob hauv lub xeev East Nusa Tenggara (NNT), nyob Is Ntos Nes Xias teb. Tau txhawj xeeb hais txog kev txhim kho nyob Mataloko thiab lwm qhov chaw uas yog qhov chaw lawv kav.

Tswv Qhia pab neeg tau qhia txog kev ruaj ntseg ntawm lawv meej kawg nyob hauv cov Video uas tshaj tawm lub lis piam tag los. Xam tias yog thawj zaug uas ib tug thawj coj hauv lub Koom Txoos nyob Is Ntos Nes Xias, tsis pom zoo txog qhov tab meeg khawb mining los yog khawb ntxhia, vim yuav ua kev kub ntxhov rau txhua yam nyob ib puag ncig thiab zej zog.

Tswv Qhia Kleden hais tias : “Nws txoj kev tawm tsam thiab tsis pom zoo tau txais kev pom zoo thiab kev tuav xam yam dav nrog cov zej zog uas tau txais kev kub ntxhov thiab cov Txiv Plig lawm.”