Kev tsuj xeeb thiab nyob ua ke yog kab ke hauv lub 5 hlis nyob hauv lub teb chaws pov txwv. Puspa Fernando muab cov paj ntoos dawb dawb los tu nws lub tsev zoo nkauj kawg, thiab nws sawv ntawm qhov rooj tos txais Niam Mab Liab tus mlom.
Tus poj niam muaj 56 xyoo no, nws taug txoj kev Negombo ntawm ntug nroog Colombo uas yog Sri Lankan lub tuam ceeb. Nws xyaw pab neeg nquam Niam Mab Liab tus duab mlom yam lom zem kawg.
Lub 5 hlis cov neeg ntseeg Sri Lankan coob coob yuav tos txais tus mlom Niam Mab Liab nyob hauv lawv tsev, thiab lawv cov tsev yuav tu kom zoo nkauj zoo saib nyob rau lub caij no. Hnub tim 22 lub 5 hlis cov neeg ntseeg tuaj hauv Fernando tsev, lawv thov Ntuj hu nkauj cav txog thiab tuav tus mlom Niam Mab Liab uas npaj tseg.
Raws kab ke Kav Tos Liv uas sawv daws hwm thiab ua kam los ntev tshaj 4 tiam neeg. Hnub tim 1 lub 5 hlis, tus Txiv Plig uas nyob hauv lub tsev teev Ntuj yuav foom hmoov zoo rau tus mlom Niam Mab Liab. Dhau ntawd, yuav nquam tus mlom Niam Mab Liab mus rau txhua txhua yim neeg tas ib lub hlis txwm nkaus. Ces zoo li Niam Mab Liab mus tsham txhua txhua lub tsev nyob Sri Lankan teb. Fernando thiab cov neeg ntseeg tos txais tus mlom Niam Mab Liab nyob hauv nws tsev ib hnub, mus txog thaum nquam tus mlom Niam Mab Liab mus rau lwm lub tsev lawm.
