lub tsev teev Ntuj ntawm kev khuv leej nyob Thaib teb Laudato Si rov muaj sia

Nyob hauv cov thaj tsam vam meej nyob sab hnub tuaj hauv Bangkok, lub tsev teev Ntuj no npaj lub hom phiaj yuav ua kom zoo tshaj. Tsis yog tias tseem ceeb hauv fab ntsuj plig xwb, nws tseem hais txog kev muab siab rau txhim kho yam tshiab tshiab kom ruaj khov ntxiv mus thiab.

Lub tsev teev Ntuj ntawm kev khuv leej nyob hauv Bangbo, lub xeev Samudprakan tau txais kev lees tias yog qhov chaw tseem ceeb ntawm txhua yam ib puag ncig nrog kev ntseeg thiab kev muab siab rau hauv kev txhim kho.

Txiv Plig Zam Wirach Amornpattana uas yog ib tug Txiv Plig hauv pab Tus Cawm Seej saib cov hauj lwm no hais tias “Lub tsev teev Ntuj no txhim raws Laudato Si, nws yog ib qho kev txuag hluav taws xob, los ntawm kev hwm thiab ua kev zoo siab rau lub ntiaj teb ntuj tsim.” Txiv Plig hais tias lub tsev teev Ntuj no ua tawm raws Vaj Qhia cov lus nqua hu kom tig los hwm txhua yam nyob ib puag ncig.”

Vaj Qhia tsab ntawv Laudato Si xyoo 2015, hais txog teeb meem ntawm txhua yam nyob ib puag ncig thoov ntiaj teb. Nqua hu kom sib koom tes ua cov hauj lwm pab txuag “peb lub tsev”. Txiv Plig Zam Wirach Amornpattana hais tias “Peb yuav nco tias kev muab siab rau hauv kev txhim kho tiag tiag, nws yog tawm ntawm peb txoj kev ntseeg uas muaj rau Tswv Ntuj uas nws yog tus tsim.”