Lub tsev kawm kev txawj ntse hwm Leej Ntshiab Brigitta, cov hauj lwm yog ua los txhawb nqa cov tub ntxhais hluas nyob hauv lub pov txwv Kei Besar
Lub pov txwv Kei Besar uas nyob nrug deb Is Ntos Nes Xias, hauv lub xeev Maluku toob fab naj. Lub tsev kawm uas lub Koom Txoos saib xyuas no tshwm sim los ntawm 2 tug neeg txoj kev sib ntsib, uas yog kev kho mob thiab kev qhia kev ntseeg.
Zaj hais txog lub neej sib txawv ntawm ob yam los sib ntsib nyob hauv lub pov txwv no, thiab mus txog kev teeb tsa cov hauj lwm txhim kho cov tub ntxhais hluas. Ib tug yog tus kws kho mob hu ua Vanessa uas nyob Jakarta. Nws siv sij hawm 12 xyoos hauv kev ua hauj lwm rau DoctorShare nyob hauv lub pov txwv Kei Besar. Yog ib lub xeev nrug deb Is Ntos Nes Xias teb hauv lub xeev Maluku toob fab naj.
Hos ib tug yog Txiv Plig Patrisius MSC. Yog cov Txiv Plig nyob hauv nroog hauv lub zos Bombay uas nyob hauv lub pov txwv Kei Besar. Thaum tus kab mob COVID-19 sib kis, nws tau nyob hauv lub pov txwv 7 lub hlis, vim kev txwv tsis pub tawm mus kev ntawm cov tseem hwv uas xav tiv thaiv tus kab mob sib kis.
Vim txoj kev xav txog yav tom ntej zoo ib yam, mas lub tsev kawm kev txawj ntse hwm Leej Ntshiab Brigitta thiaj tshwm sim. Kom tau ua qhov chaw txhawb nqa cov me nyuam yaus thiab cov tub ntxhais hluas hauv zej zog lub neej zoo tuaj, thiab muaj kev cia siab ntxiv.
