Lub Koom Txoos npaj txhij rau cov tub ntxhais hluas hnub nyob ntiaj teb, uas yuav tsa nyob Xes Us xyoo 2027. Thawj zaug uas lawv sib tham txog cov neeg yuav lis hauj lwm
Yog thawj zaug uas cov sawv cev ntawm 27 pab neeg, yuav npaj cov tub ntxhais hluas hnub nyob Xes Us xyoo 2027 (WYD Seoul 2027).
Tau sib sau koom ib lub ru tsev, yog kauj ruam tseem ceeb ntawm kev mus kev hauv lub Koom Txoos. Tos txais hnub ntawm cov tub ntxhais hluas nyob thoob ntiaj teb mus rau teb chaws Kos Lim. Yog kev sib sab laj uas tsis tau muaj los dua li. Yog cov neeg pib txoj hauj lwm no lawv ua tus npaj, kom tau nrhiav kev sib xa xov, kev sib koom tes thiab kev sib koom tes ntawm txhua pab neeg. Lawv yog cov nyob tom qab ntawm cov hauj lwm tseem ceeb nyob ntiaj teb zaum no.
Nyias pawg faib nyias cov hauj lwm ua ntej yuav txog xyoo 2027. Thiab sib pab tswv yim los sib koom tes ua ntu zus hauv fab ntsuj plig thiab kev nqis tes ua. Kev sab laj no tsis yog tias lub tswv yim xwb, nws tseem muaj qhov tob hais txog fab ntsuj plig thiab. Tau txais kev txhawb siab los ntawm pab neeg sawv cev hauv Dicastery for Laity, Family and Life uas lawv mus tsham Xes Us, thiab yog ib feem hauv kev txhawb nqa cov tub ntxhais hluas tej hauj lwm ua ntu zus los. Lub Cim ntawm cov tub ntxhais hluas hnub nyob ntiaj teb (WYD), yog tus Ntoo Cuam thiab daim duab hawm Niam Mab Liab. Vim ob yam no tseem mus kev nrhiav qhov tseeb nyob thoob As Xias teb.
