Lub Koom Haum Kav Tos Liv kev pab cuam txhawb nqa Vaj Qhia Leo 14, zeem tseeb txog txhua yam ib puag ncig ntawm cov Txiv Plig thiab kev ntseeg hauv zej zog
Caritas International muab kev koom tes txhab nqa Vaj Qhia Leo 14. Lawv thov Ntuj thiab cog lus tias yuav raws Vaj Qhia nyob hauv tus ntsuj plig ua tub txib, ua lub rooj ncauj lus thiab nrog cov neeg pluag txom nyem koom ua ib lub siab.
Hauv kev sib tham, lub Koom Haum fab kev pab cuam ntawm Kav Tos Liv hais tias ; lawv koom nrog lub Koom Txoos nyob thoob ntiaj teb ua tsaug thiab cog lus tias yuav raws thiab txhawb nqa Vaj Qhia hauv kev ua tub txib thiab ua lub rooj ncauj lus. Kom tau coj lub Koom Txoos ntsia pom txog kev sib koom hauv kev ntseeg thiab kev sib koom hauv kev nyiam kev hlub.
Pab neeg no tau txhib txog qhov tseem ceeb ntawm Vaj Qhia lub npe tshiab uas nws siv. Lub Koom Txoos tab tom ze ze hnub txwm 134 xyoos ntawm Rerum Novarum, uas yog Vaj Qhia Leo 13 tsab ntawv hauv xyoo 1891, uas sau hais txog kev ntseeg hauv zej zog ntawm Kav Tos Liv. Tswv Qhia Kikuchi uas nyob Tokyo, nws yog tus thawj tswj lub Koom Haum Caritas Internationalis hais txog Caritas tias : ‘yog kev ua tawm txog Tswv Ntuj kev nyiam kev hlub nyob hauv kev nqis tes ua.’
Caritas Internationalis uas muaj 162 lub Koom Haum nyob hauv 200 tawm lub teb chaws, zeem tseeb txog kev muab siab rau hauv kev pab cuam cov neeg pluag txom nyem los ntawm tib neeg kev ncaj ncees, hauv kev txhim kho thiab kev txhawb nqa.
