Tus thawj tswj lub pwm tsav nyob Hanoi tau cev tus Txoov Tim Tswv tsab ntawv rau Vaj Qhia Leo 14. Kev tsis sib haum xeeb hauv lub teb chaws hais txog lub hwj chim kev tseev tsim, yog qhov laij thawj hauv kev npaj txais tos zaum no. Yog qhov ua rau cov neeg ntseeg Kav Tos Liv txoj kev cia siab tos ntsoov raug ncua tseg. Tswv Qhia Liab Parolin yuav mus tsham Nyab Laj teb sai sai no, kom tau tsim kev sib raug zoo ntawm ob lub teb chaws cov tiam lis. Xav tias txhua yam yuav tiav thiab tshwm sim xyoo 2027, uas yog xyoo Vaj Qhia npaj siab mus tsham Xes Us kom tau koom cov tub ntxhais hluas hnub nyob ntiaj teb.
Raws kev tshaj tawm ntawm cov ntawv xov xwm Nyab Laj, tus thawj coj lub pwm tsav hu ua Man tau nrog Vas Tis Kas sib tham tias : “Kev sab laj zaum tim 13 ntawm cov neeg ua hauj lwm ua ke, xws li Nyab Laj cov neeg thiab Vas Tis Kas cov neeg, uas tom tom los yuav txog no. Tej zaum yuav muaj kev txhawb nqa kev sib raug zoo kom ob lub teb chaws muaj tiam lis raug cai.” Nws hais tias : “Cov nom thiab cov tseem hwv tab tom tsim kom muaj kev thaj yeeb rau cov neeg ntseeg Kav Tos Liv tau teev hawm lawv txoj kev ntseeg, thiab muaj feem cuam txog kev txhim kho lub teb chaws uas ua raws lub ntsiab lus tias : ‘Ua lub neej raws ntawv Moo Zoo nyob hauv lub teb chaws.” Thiab lawv zoo siab uas cov neeg ntseeg Kav Tos Liv ntau leej raug xaiv los ua nom sawv pej xeem cev pab tim 16, thiab lub pwm tsav pej xeem txoj kev ua hauj lwm xyoo 2026 txog 2031.
