Kev sib tham hauv xeev ntuj thov kom lub Koom Txoos nyob Is Ntos Nes Xias teb, muab kev qhuab qhia fab kev ntseeg kom muaj qab muaj quag thiab ua ntev mus rau cov neeg thoj nam
Kev sib tham fab kev ntseeg zaum tim 12 nyob Nusa Tenggara, qhib rau kev taij thov kom tau txhawb nqa cov tub zog txawv teb chaws thiab lawv tsev neeg. Hauv kev sib tham zaum no, tau hu tas 9 tus Tswv Qhia nyob hauv Nusa Tenggara nrog cov sawv cev ntawm lub Cheeb Koom Txoos nyob Is Ntos Nes Xias teb, Mas Les Xias teb thiab nrog rau cov tub tseem hwv, cov neeg saib xyuas tub zog txawv teb chaws, cov tub tseem hwv kav txoj cai thiab cov tub koom tes ntawm txhua pab Txiv Plig.
Tswv Qhia Kopong Kun thov kom lub Koom Txoos sib tuav xam thiab ua cov hauj lwm fab kev ntseeg kom muaj qab muaj quag los txhawb nqa cov neeg thoj nam thiab lawv tsev neeg. Vim lawv kheev kheev ntsib teeb meem hais txog kev ua luam neeg, kev caij tsuj cov tub zog thiab tsis muaj kev lag luam. Ib qho muaj qab hau los tseem ceeb tshwm sim hauv hnub qhib lub rooj sab laj, yog teeb tsa pab neeg ua hauj lwm kom tau raws qab, pab thiab txuag cov tub zog txawv teb chaws ua ntej yuav tawm mus thiab thaum lawv nyob txawv teb chaws. Dhau ntawm kev sib tham fab kev ntseeg lawm, cov neeg tuaj koom sab laj tseem xav kom muaj kev txhim kho fab kev lag luam hauv zej zog, kom daws teeb meem kev tshais chaw mus rau tej qhov tsis tso siab.
