Kev ntseeg nyob Xees Cas Pos teb muaj neeg nyiam heev zuj zus, tab sis kev teev Ntuj rais ua ntiag tug ntau dua
Raws tsab ntawv luam tawm ntawm txoj cai kev kawm (IPS), pom tias kev ntseeg pib tseem ceeb thiab muaj neeg nyiam heev zuj zus ntau dua xyoo 2023 thiab 2018. Tab sis nws raug ntaus nqi ua ntiag tug thiab Digital. Kev sib koom ua cov kab ke tab tom ploj tej yam tseem ceeb. Vim kev siv platform nyob Online kom tau nkag mus txog cov neeg ntseeg tab tom muaj ntau zuj zus.
Kev soj ntsuam tshaj tawm hnub tim 20 lub 8 hli tag los, pom tias cov neeg Xees Cas Pos 3 feem 4 saib txoj kev ntseeg los fab ntsuj plig yog ib feem uas tseem ceeb nyob hauv lawv lub neej, thiab pab tau lwm yam hauv lub tswv yim txoj kev xav.
Tab txawm tus yam ntxwv hauv kev ntseeg muaj zog, tsis kav tej kab ke hloov mus. Vim cov neeg Xees Cas Pos lawv mus koom lub thaj txi Ntuj tsawg dua txhua xyoo. Coob leej qaug quav rau cov kev teev hawm nyob Online, xws li nyiam mloog nkauj thiab saib Video. Los yog mus ua tej yam uas lawv nyiam ua, xws li mus zaum nyob ib leeg ntsiag ntsiag thiab nyeem tej ntawv hais txog fab ntsuj plig lawm xwb. Lawv tsis kam mus koom lub thaj txi Ntuj nyob hauv tsev teev Ntuj lawm.
