Ib tug neeg ntseeg raug kaw nkuaj nyob Suav teb, nws lub cev ntaj ntsug noj tsis qab nyob tsis zoo

Ib tug neeg ntseeg raug kaw nkuaj nyob Suav teb, nws lub cev ntaj ntsug noj tsis qab nyob tsis zoo.

Zhang Chunlei uas nws yog ib tug laus neeg ntseeg nyob hauv lub tsev teev Ntuj Renai Reformed nyob Kim Yaj, nws raug kaw nkuaj thiab nws lub cev muaj mob txaus txhawj. Vim nws raug tus kab mob siab khov hnyav heev.

Bitter Winter tshaj tias : txij Zhang pib muaj mob thaum lub 3 hlis xyoo 2021 los, nws tsis tau raug txiav txim raws txoj cai. Zhang lub cev pib qaug zog zuj zus raws li pom no, thiab ua rau nws ntxhov siab ntau yam, ces thiaj muaj lus taij thov kom cia li tso nws tawm nkuaj. Zhang yog ib tug neeg tseem ceeb ntawm cov neeg ntseeg nyob hauv zej zog, nws raug ntes 3 xyoos dhau los. Nws lub txim yog nyiag noj nyiaj thiab txw neeg kom txo tseem hwv lub hwj chim. Yog lub txim uas kheev kheev raug liam rau cov neeg ntseeg uas tsis zwm rau tseem hwv Suav.

Hnub tim 29 lub 11 hlis xyoo 2022, lawv soj ntsuam txog nws lub txim, tab sis tsis tau txiav txim, ces ua rau nws txoj cai lij choj khoob ntshuv. Nws muaj ntau tus kab mob thiab nws lub cev ntaj ntsug pib ntaug. Nws lub tsib tsis zoo thaum nws raug kawg nkuaj. Lub 8 hli tsaib no nws thiaj raug mus kho mob nyob hauv tsev kho mob, ces cov kws kho mob hais tias nws yog mob siab khov. Tab txawm nws muaj mob hnyav, tsis kav lawv kuj muab nws rov qab mus kaw nkuaj. Xov xwm tshaj tias : Yang Aiging uas yog Zhang tus poj niam hais tias : Zhang tsis tau txais kev saib xyuas zoo thiab nws tus mob txaus txhawj heev. Nyob hauv nkuaj tsis muaj kev kho mob thiab txhua yam nyob ib puag ncig hauv nkuaj tsis zoo.