Thaum xaus cov kab ke foom hmoov zoo hauv hnub 3, Tswv Qhia Thazhath uas nyob Trichur tau cev tsab ntawv caw ntawm lub Koom Txoos Is Ntias rau Vaj Qhia Leo 14. Lawv caw kom Vaj Qhia mus tsham Is Ntias teb.
Hauv rooj sab laj cov Tswv Qhia Kav Tos Liv nyob Is Ntias los yog CBCI. Lub ntsiab lus ntawm kev mus tsham Is Ntias teb rov qab muaj dua ib zaug ntxiv. Lub sij hawm uas Vaj Qhia Leo 14 tab tom npaj siab yuav mus tsham Tws Kis teb thiab Lis Npaas teb thawj zaug. Txij hnub tim 27 lub 11 hlis txog hnub tim 2 lub 12 hlis xyoo no. Kev mus tsham Is Ntias teb zaum no, yog qhov cov neeg ntseeg Kav Tos Liv Is Ntias npaj siab tos txais. Vim lawv tsis tau tos txais Vaj Qhia li, txij thaum Vaj Qhia Zam Paj Lug Ob mus tsham Is Ntias teb hauv xyoo 1999 los.
Qhov no tseem yog qhov ua teeb meem hauv kev tseev tsim uas yog ob peb xyoos dhau los no, kev sib tawg ntawm cov His Ntus ua kom kev mus tsham Is Ntias teb yog qhov mus tsis tau. Txawm li cas kuj xij, nyob hauv ob peb xyoos dhau los no, muaj ntau yam tseem ceeb tshwm sim thaum tus thawj pwm tsav Mos Dis thiab Vaj Qhia Fas Ntshis Kus sib ntsib.
