Cov thawj coj kev teev hawm nyob Bangkok, qhib kev sib tham hauv kev ntseeg kom tau sib pab daws teeb meem huab cua

Cov thawj coj hauv kev ntseeg, cov kav txoj cai thiab tsoom pej xeem nyob Thaib teb. Tau qhib kev sib tham hauv kev ntseeg, kom tau daws teeb meem huab cua pauv ntxeev nyob hauv hnub tim 2 tag los no. Lub ntsiab lus yog “qhib qhov chaw tshiab rau lub ntuj kub thiab pab lub ntiaj teb”. Lub Koom Haum kev teev hawm Phus Thas hauv kev sov siab thiab nyab xeeb (BMIF), tau npaj 3 hnub nyob hauv lub tsev teev hawm Phus Thas hu ua Saket Ratcha Woramahawihan, hauv hnub tim 2 txog 4 lub 10 hli no. Hauv cov kab ke, muaj cov thawj coj kev teev hawm 5 txog nyob Thaib teb tuaj sib sau ua ke. Xws li Tswv Qhia Vira uas nyob Bangkok, tus thawj coj lub pwm tsav Tswv Qhia nyob Thaib teb CBCT. Cov lus tseem ceeb uas Tswv Qhia Vira hais txog, yog lees txais kev ncaj ncees ntawm cov neeg ntseeg hauv kev txuag lub ntiaj teb. 

Yog muab hauv Ntawv Nsthiab thiab Vaj Qhia Fas Ntshis Kus ob tsab ntawv Laudato Si thiab Laudate Deum los hais. Nws hais txog kev txuag txhua yam nyob ib puag ncig thiab kev txuag lub meej mom hauv kev ua lub neej. Tshwj xeeb tshaj yog cov neeg pluag uas tau txais kev kub ntxhov los ntawm txhua yam nyob ib puag ncig ntau tshaj.