Cov Leej Phauj raug saib tsis taus thiab raug kaw hauv lub txim ua luam neeg cuav
Ob tug Leej Phauj ntawm lub Koom Haum Green Garden Sisters nyob Agra raug cov His Ntus khuav nyob ntawm lub tshav tsheb nqaj hlau Durg. Lub sij hawm nkawd tab tom mus ua hauj lwm nyob hauv lub tsev kho mob. Nkawd tau txais lus tso cai los ntawm Tswv Qhia Gracias. “Is Ntias teb hwm txoj cai, tab sis tej kev tua neeg no ua kom lub teb chaws puas npe.”
Ob tug Leej Phauj ntawd muaj hnub nyoog 19 txog 22 xyoos. Nkawd tau txais lus tso cai ntawm cov thawj coj kom mus ua hauj lwm nyob hauv lub tsev kho mob uas yog cov Leej Phauj Kav Tos Liv ua tus saib. Txawm li cas kuj xij, nkawd raug cov neeg ua hauj lwm hauv lub tshav tsheb nqaj hlau txwv tsis pub mus, vim nkawd tsis muaj daim caij tsheb. Thaum nkawd raug soj ntsuam, mas nkawd hais tias nkawd yuav mus ua hauj lwm nrog cov Leej Phauj. Tom qab ntawd cov tub tseem hwv tau ceeb toom mus rau lub Koom Haum Bajrang Da, kom kav tsij mus rau qhov chaw muaj xwv txheej. Thiab lawv liam hais tias ob tug Leej Phauj ntawd hloov kev teev hawm. Pab neeg sab xis kuj qw thiab taij kom cov tseem hwv nyob Chhattisgarh nkag mus saib xyuas.
