Vaj Qhia thov kom cov neeg ntseeg sib pab thov Ntuj rau tsoom pej xeem Ves Nes Xes Las hauv Hnub Chiv, tom qab av qeeg 2 zaug nyob Ves Nes Xes Las teb thiab ua rau neeg tuag ze 1,500 leej. Hos cov neeg ploj lawm nrhiav tsis tau yog 70,000 leej.
Tom qab teev Ntuj Algelus tas, Vaj Qhia kuj thov Ntuj pab tsoom pej xeem uas lawv raug xwv txheej, rau lawv tsev neeg, rau cov raug mob thiab cov tau txais kev kub ntxhov. Vaj Qhia kuj ua tsaug rau cov tub khaws neeg tuag uas lawv tau siv zog ua hauj lwm yam tsis nco nkees. Vaj Qhia thov kom tas txhua lub teb chaws xa kev pab cuam mus rau Ves Nes Xes Las teb hauv lub caij muaj kev kub ntxhov no.
Ua ntej ntawd, Vaj Qhia tau hais txog cov Tswv Qhia cov lus thov Ntuj hauv lub caij xaus cov Tswv Qhia lub rooj sab laj Hnub Xya tag los. Nws tau muab 100,000 Euro los ntawm Vaj Qhia lub Koom Haum txhawb nqa, kom tau coj mus pab tsoom pej xeem raug xwm txheej. Kev pab no yuav tsum hla cov thawj coj lub Koom Txoos nyob Ves Nes Xes Las teb. Av qeeg ob zaug muaj ceem kawg. Yog 7.2 thiab 7.5 Richter.
Av qeeg nyob hauv hnub peb lub lis piam tag los, ua rau muaj kev piam sij loj kawg. Tshwj xeeb tshaj yog nyob hauv lub xeev La Guaira. Cov tsev teev Ntuj Kav Tos Liv thiab lub Koom Haum Caritas tau qhib chaw tos txais cov neeg raug xwv txheej thiab muab kev pab sai kawg mus rau cov neeg khiav tsis muaj chaw nyob.
