Vaj Qhia Fas Ntshis Kus cov lus. (Pope Francis and AI)
Hnub no kuv xav hais rau cov thawj coj ntawm Forum G7, hais txog qhov cuam tshuam ntawm tib neeg kev txawj ntse rau yav tom ntej. Ntawv Ntshiab zeem tseeb tias Tswv Ntuj pub nws Leej Ntuj Plig Ntshiab rau tib neeg kom tib neeg muaj kev paub thiab txawj txhua yam. Kev tshawb fawb thiab Technology thiaj vam meej los ntawm tib neeg kev tsim tawm. Qhov tseeb tiag lub tswv yim tsim tawm tshwm sim los ntawm txoj kev tsim uas Tswv Ntuj pub rau tib neeg raws li peb hnov. Lub tswv yim tsim tawm yog ib qhov uas muaj zog kawg coj los siv nyob hauv neeg ntau yam hauj lwm. Txij tus kws kho mob mus txog kev ua hauj lwm ntawm lub ntiaj teb.
Txij kab lis kev cai mus txog kev sib xa xov. Txij kev kawm mus txog rau kev tseev tsim. Tam sim no peb pom tias kev siv nws muaj zog heev rau peb kev ua lub neej, kev sib raug zoo hauv peb tej zej zog. Thiab ua kom peb paub txog peb tus yam ntxwv kev ua neeg ntau tuaj. Txawm li cas kuj xij, lo lus nug txog teeb meem tsim tawm kheev kheev raug ntsia pom tias ; ib sab yog ua kev zoo siab rau yam uas ua tau. Thiab lwm sab yog ua kom muaj kev ntshai txog qhov yuav tshwm sim uas yus xav tseg. Qhov no peb tuaj yeem hais tau tias tab txawm peb sawv daws sib txawv, tsis kav peb muaj kev xav ob yam : peb kub siab lug rau yam peb xav tias yuav vam meej los ntawm kev tsim tawm. Tab sis lwm yam, peb kuj ntshai tsam muaj kev piam sij lub caij peb tab tom siv.
Lub tswv yim tsim tawm tuaj yeem ua kom nkag tau mus txog kev txawj ntse yam ywj pheej. Kev vam meej nce siab ntawm kev tshawb fawb thiab kev pub hauj lwm raws yus xav nws nyuab rau tej tshuab. Tej zaum nws yuav txhab kev tsis ncaj ncees ntawm cov teb chaws vam meej thiab cov teb chaws tab tom txhim kho. Los yog nyob hauv tej zej zog cov muaj hwm chim yuav caij tsuj pej xeem, ces ua kom muaj xwm txheej tawm tuaj. Kev vam meej ntawm Technology ua kom muaj lub tswv yim tsim tawm uas ntxim siab thiab txaus ntshai ua ke, ces yuav tsum ua zoo xav hais txog tej kev txhawj xeeb uas yuav tshwm sim.
Txawm li cas kuj xij, kev siv txhua yam toob xib peb tsis tau tsom ntsoov mus rau qhov zoo nkaus xwb, tab txawm tias tib neeg pom tias neeg mus tau deb dua ntawd. Kev txawj ntse hauv tej kev siv toob xib los ua hauj lwm pab yus cov kwv tij los sis yus tej vaj tse, nws tshwm sim tau txhua lub sij hawm. Txhua yam toob xib no yuav ua kom pom tias tsis yog loj hlob thiab lub meej mom ntawm poj niam thiab txiv neej xwb. Nws yog los ntawm txhua yam uas lawv tau txais. “Ua thiab txuag”.
Zoo li lo lus piv txwv nyob hauv ntawv Hauv Paus zaj 2 qib 15. “Tswv Ntuj coj tus txiv neej mus nyob hauv lub vaj Es Dees, kom nws cog lub vaj thiab saib lub vaj”.
Lub ntiaj teb thiab tas ib tsoom neeg. Kev hais txog Technology yog hais txog lub ntsiab ntawm kev ua neeg thiab tas txhua yam muaj txoj sia thiab kev lees txais.
Qhov tseeb tiag thaum peb cov poj yawm txwv koob muab hlau los ntaus riam, lawv siv los txiav tawv tsiaj ua khaub ncaws thiab sib ntaus sib tua xws li cov Techonology uas vam meej. Cov hluav taws ua ciaj los ntawm cov txim taws, yog tshwm sim los ntawm lub hnub. Tuaj yeem siv los tsim lub zog huv, rov ua dua tshiab los yog pab lub ntiaj teb kom tshuav ib pawg tshauv. Txawm li cas kuj xij, lub tswv yim tsim tawm tseem yog ib qho cuab yeej uas nyuab dua peb siv tej yam cuab yeej yooj yim xws li riam, vim riam yog nyob ntawm tus neeg siv thiab yuav siv ua dab tsi yog nyob ntawm tus neeg ntawd. Lub tswv yim tsim tawm pab kom haum rau cov hauj lwm uas peb tau txais thiab raug tus yam ntxwv. Pab kom neeg tau ua tej yam tiav raws li qhov nws xav tseg.
Dhau nov lawm tseem yuav tau txhab ntxiv tias : kev ua hauj lwm tau zoo yog los ntawm lub tswv yim tsim tawm, nws tsis yog nyob ntawm tus neeg siv txoj kev kav los yog raws li nws tus yam ntxwv sau tawm los.
Nov yog qhov tseeb kawg, vim qhov yuav tsheej xeeb sai sai no yog qhov ntau. Cov poj niam thiab txiv neej uas lawv tsim tej yam yooj yim, mas lawv pom tias riam ua kom lawv tuaj yeem pab lawv dim ntawm qhov no no txias txias, tab sis nws kuj ua tau kom muaj tsov rog thiab. Thaum tib neeg tsim tej yam toob xib uas nyuab, mas lawv yuav pom tias lawv lub neej muaj zog zuj zus.
Tam sim no peb tsim nyog yuav los xav txog txhua yam uas peb tau tham tag lawm, lub caij siv Technology uas peb tab tom ua nyob hauv zim txwv no nws yog ib qhov tshwj xeeb uas tsis tau tshwm sim los dua. Nws yuav nyuaj zuj zus hais txog nrhiav kev pom zoo ntawm cov teeb meem tseem ceeb txog kev ua neej nyob. Tab txawm nyob hauv tej zej zog uas muaj kab lis kev cai, kev sib cav sib ceg nws kuj muaj ntau dua qub. Ua rau kev yuav sib koom tuav xam ua ke nyuab kawg thiab kev daws teeb meem hauv kev tseev tsim los nrhiav kev ncaj ncees. Li ntawd, dhau ntawm qhov nyuab uas raug cai nyob hauv tib neeg cov tsev neeg lawm, tseem muaj dua ib qho uas tshwm sim nyob hauv zej zog tus yam ntxwv li tau hais los ua ntej no. Peb yuav nco ntsoov tias tsis muaj ib lub tswv yim twg yog qhov nruab nrab. Technology tshwm sim rau lub hom phiaj thiab nws kuj ua kev kub ntxhov rau tib neeg. Technology yog ib tug yam txwv ntawm kev sib raug zoo hauv zej zog thiab npaj lub hwj chim tas mus li. Li ntawd, nws thiaj ua rau qee leej tuaj yeem ua tau qee yam thiab nws kuj tiv thaiv tsis pub lwm tus ua txawv. Tas txhua yam no yog siv nyob hauv lub tswv yim tsim tawm, kom txhua yam uas peb hais yog tej yam toob xib tsim kev zoo thiab ua kom tag kis zoo tuaj. Txhua yam no lub hom phiaj yog hais txog tib neeg txoj kev zoo. Ces thiaj yuav tsum muaj lub zog txhawb siab thiab ua ncaj ncees.
