Thaum cov neeg Xis Laas Kas lub hnub nyoog ntau tuaj, mas kev txom nyem ntawm cov neeg laus kuj txhab ntxiv

Kev txheeb mej hwm zaum kawg ua kom pom tias lub teb chaws tab tom nkag mus rau qhov muaj cov neeg laus coob zuj zus. Zim txwv no cov neeg laus 60 tawm xyoo yog 18 feem pua ntawm tas tsoom pej xeem, thiab xav tias yuav txhab ntxiv li 4 feem pua nyob hauv xyoo 2041. Vim cov neeg ua hauj lwm muaj tsawg, nyiaj so laus kuj tsis txaus thiab tsis muaj kev saib xyuas. Ua rau kev pluag txom nyeem ntawm cov neeg laus txhab ntxiv tuaj, yog tias tsis muaj kev daws kho. Kev kub ntxhov ntawm cov neeg laus yuav kis mus txog kev kub ntxhov hauv zej zog thiab kev lag luam tau.

Kev soj ntsuam no qhia tias lub teb chaws tab tom poob nyob hauv muaj cov neeg laus coob tuaj, tab sis cov me nyuam muaj tsawg. Cov poj ntsuam muaj txhab ntxiv thiab tsis muaj kev saib xyuas fab kev noj qab haus huv, kev ntiav zog kuj txhab ntxiv.

Dhau no lawm tseem muaj teeb meem fab kev noj qab haus huv tseem ceeb li ntawm 3 plhom tawm leej, los yog 1,000 leej no muaj 157 leej. Muaj cov neeg dig muag, cov tsis hnov lus, cov tuag tes tuag taw pab tsis tau tus kheej, cov neeg ruam li ntawm 727,000 leej. Cov kws tshawb fawb hais tias : “Cov neeg laus yuav rais ua teeb meem, yog tias cov tseem hwv tsis muaj kev pab cuam thiab kev saib xyuas.”