Yog thawj zaug uas muaj kev teeb daim ntawv liab rau cov Koom Haum thiab cov tsim tej kab lus, cov Video yuav tsum muaj tej kab ntawv qhia kom meej tseeb. Cov kws txawj ntse xav tias yuav muaj teeb meem nyob hauv kev siv.
Tseem hwv Suav tab tom npaj yuav tawm txoj cai tshiab kom txiav meej tias cov lus uas yog AI lub tswv yim tsim tawm, yuav tsum muaj tej kab ntawv qhia kom meej tseeb. Suav lub hom phiaj yog txwv kev nyiag noj nyiaj los yog ua tsis ncaj ncees hauv kev siv Technology txheej tshiab nyem no. Tsab ntawv nqis tes ua yog tshaj tawm hnub tim 14 lub 9 hlis no. Kom tsoom pej xeem sib pab tawm tswv yim li 1 lub hlis. Tas cov duab, cov Video thiab cov ntsiab lus uas yog AI tsim tawm, yuav tsum muaj tej kab lus sau qhia kom meej. Nov yog thawj zaug uas tseem hwv Suav cov tub ceev xwm Cyberspace teeb tsa muaj txoj cai no, kom tau txwv thiab saib xyuas txog cov lus uas AI tsim tawm. Ib qhov uas tshwj xeeb dua ntawd, yog thov kom sau ntawv rau lub caij tsim nyog uas tshaj cov yeeb yaj duab.
