Pab neeg txuag tib neeg kev ncaj ncees thov kom lub Leej Haum Kuj pab txuag cov neeg thoj nam nyob Thaib teb.
Ua ntej txoj cai tib neeg kev ncaj ncees yuav rau sau cim tseg nyob hauv lub Leej Haum Kuj. Lub Koom Haum tib neeg kev ncaj ncees los yog Fortify Rights tau tshaj tawm hnub tim 11 lub 6 hli no, hais txog kev muab neeg kaw, kev quab yuam xa neeg rov qab mus lawv teb chaws thiab kev hla lwm txoj cai uas yog hais txog cov neeg thoj nam thiab cov thov khiav nkaum nyob Thaib teb. Kev soj ntsuam no raug xa mus rau lub Leej Haum Kuj cov kav xwm saib xyuas tib neeg kev ncaj ncees, ua ntej yuav rov hais txog tib neeg kev ncaj ncees zaum tim 4 nyob Thaib teb, uas yog npaj tseg nyob hauv lub 11 hlis xyoo no.
Kev rov xav thiab rov hais txog no, yuav soj ntsuam txog tib neeg kev ncaj ncees nyob Thaib teb txij lub qab xyoo 2021 los. Lub Koom Haum tib neeg kev ncaj ncees hais tias lawv txoj kev soj ntsuam yog pib txij xyoo 2022 txog 2026 nyob hauv tuam ceeb Npaas Koj (Bangkok), hauv lub xeev Tam (Tak), lub xeev Las Noos (Ranong) thiab lub xeev Tseej Maim (Chiangmai). Ua rau lawv txhawj xeeb txog qhov tsis xyuam xim hauv kev txuag cov neeg thoj nam thiab kev ua raws tib neeg kev ncaj ncees ntawm cov teb chaws.
Lub Koom Haum no thov kom cov nom tswv Thaib thiab lwm cov teb chaws pab txuag cov neeg thoj nam thiab cov thov ua neeg thoj nam, tiv thaiv kev xa neeg rov qab uas tsis yog quab yuam thiab kom muaj kev saib xyuas zoo dua qub hais txog kev ua hauj lwm rau cov neeg pluag txom nyem uas lawv xav tau kev pab nyob hauv lub teb chaws.
