Hnub tim 26 lub 5 hlis tas los, Vas Tis Kas lub rooj xov xwm tso tawm tias lub Koom Haum Caritas nyob Us Khas Zis Nas tshaj tias “Cov neeg Us Khas Zis Nas uas lawv tsiv teb tsaws chaw coob tshaj 2,500 leej, tau txais kev pab hais txog tib neeg kev ncaj ncees nyob ntawm ciam teb Mokrany–Domanove thiab Npas Las Lus teb yog tib lub qhov rooj ntawm tib neeg kev ncaj ncees uas qhib rau cov pej xeem uas khiav tawm ntawm cov thaj tsam Lav Xias kav.”
Cov neeg Us Khas Zis Nas coob kawg raug ntiab tawm hla Lav Xias thiab Npes Las Lus ua ntej yuav mus txog qhov chaw tseem hwv Us Khas Zis Nas kav. Nws yog txoj kev mus kev ntau hnub thiab sab kawg. Lub Koom Haum Caritas ua hauj lwm nyob ntawm ciam teb txij lub 2 hlis xyoo 2025 los. Lawv tau pab xa txhiam xws noj, chaw pw thiab txoj cai, txhawb nqa fab nyiaj txiag thiab muab kev tuav xam fab ntsuj plig rau cov neeg tsiv teb tsaws chaw thaum lawv khiav los txog ntawm ciam teb.
Cov tub ua hauj lwm hauv Caritas hais tias cov neeg coob coob uas khiav los txog ntawm ciam teb yog cov puas siab puas ntsws, tsis muaj ntaub ntawv thiab xav tau kev pab cuam sai. Tshwj xeeb tshaj yog cov laus, cov me nyuam yaus thiab cov muaj teeb meem hauv lub cev ntaj ntsug. Muaj cov me nyuam yaus thiab cov tub ntxhais hluas ze ntawm 400 leej tau txais kev pab cuam los ntawm kev sib koom tes fab txoj cai nrog rau lub Koom Haum Save Ukraine los yog txuag Us Khas Zis Nas. Caritas tseem tau koom tes nrog Us Khas Zis Nas lub Koom Haum soj ntsuam tib neeg, lub Leej Haum Kuj cov neeg thiab lwm cov neeg pab cuam, kom tau txhawb nqa cov neeg tsiv teb tsaws chaw thiab cov me nyuam yaus, kom lawv tau rov qab mus ua neeg Us Khas Zis Nas hauv kev muaj ntaub ntawv thiab tau kev kawm ntawv.
