Cov thawj coj kev lag luam Kav Tos Liv Thaib, txhawb nqa kev ua lag luam hauv kev ntseeg los ntawm cov Koom Kaum ntiaj teb uas tab tom loj hlob
Hnub tim 31 lub 5 hlis tag los no, lub Koom Haum cov neeg ua hauj lwm thiab cov kws txawj ntse fab kev lag luam Kav Tos Liv nyob Thaib teb los yog CBEP tau tuaj sib sau ua ke nyob hauv lub xeev Ub Doos (Udonthani) kom tau sab laj cov kav xwm Kav Tos Liv thawj zaug hauv xyoo 2026.
Lub hom phiaj yog txhawb nqa kev muab siab rau hauv kev txhim kho kev ntseeg qhov muaj nqis kom haum nrog kev ua tus coj fab kev lag luam thiab ua lag luam. Kev sab laj zaum no tau caw tas cov thawj coj hauv lub Koom Txoos thiab cov neeg ua lag luam, kom tau nthuav CBEP lub Koom Haum cov hauj lwm. Txhawb nqa kev txiav txim siab fab kev lag luam uas yog ua raws ntawv Moo Zoo thiab kev ntseeg hauv cov zej zog Kav Tos Liv. Qhov tseem ceeb yog kev txhim kho qhov nruab nrab ntawm Kav Tos Liv, uas qhov Platform Digital yog cov neeg ntseeg ua tus tuav, kom txuas nrog Kav Tos Liv cov hauj lwm. Sib faib lub ntsiab lus hauv kev ntseeg thiab txhawb nqa fab kev lag luam hauv zej zog. Tus thawj coj CBEP hais tias “Kev ruaj ntseg fab kev lag luam, yuav pab kom cov yim neeg ntseeg Kav Tos Liv muaj feem cuam nrog lub Koom Txoos thiab zej zog tau zoo dua qub.”
Kev sab laj zaum no tseem txhawb nqa kev teeb tsa pab pawg hauv cov Cheeb Koom Txoos tshiab. Ua kom pom txog kev loj hlob ntawm lub Koom Haum nyob thoob Thaib teb thiab kev sib txuas nrog Kav Tos Liv cov Koom Haum lag luam nyob hauv xeev ntuj thiab tas ntiaj teb. Cov hauj lwm no xaus rau kev foom hmoov zoo ntawm Tswv Qhia Lws Chais (Luechai Thathawisai) hauv lub xeev Ub Doos. Nws qhuas txog cov hauj lwm uas pib txhawb nqa kev ua lag luam ncaj ncees, txhawb nqa kev ua lub neej nyob thiab txhawb nqa kev sib kom tes ntawm cov neeg ua lag luam uas yog Kav Tos Liv.
