Fis Lis Pees teb muaj qhov kub qhov ntxhia ntau kawg, xws li tooj dawb, tooj liab, kub, hlau, yaj them, txhuas thiab lwm yam. Dhau no lawm tseem muaj lwm lub zog thiab txhua yam ntau heev. Xws li lub zog cua, lub zog tshav ntuj, lub zog dej thiab lub zog qhov kub hauv qab npoo av. Tab sis tseem vam txog kev hlawv theev av uas yog hom roj txaus ntshai tshaj nyob ntiaj teb no. Fis Lis Pees teb muaj cov pej xeem muaj kev txawj ntse, muaj ntau yam kab lis kev cai, muaj peev xwm thiab thoob tsib kawg. Tsis kav kuj tseem poob qis fab kev lag luam.
Kev xa tawm tej cuab yeej muaj hluav taws xob yog 50 feem pua ntawm cov nyiaj hauv cov cuab yeej xa tawm nyob Fis Lis Pees teb. Txawm li cas kuj xij, cov Koom Haum ntxhia uas xa tawm mus rau Suav teb muaj feem hauv kev pab lag luam 1 feem pua xwb. Hais txog cov nyiaj no tsis muaj txiaj ntsim qab hau rau cov neeg Fis Lis Pees uas yog tswv av ntawm lawv tej poj yawm txwv koob tej ntxhia uas khawb tau los. Nov yog kev tsis ncaj ncees uas tsis tau daws kho li. Kev tsis sib haum xeeb muaj ceem tau tshwm sim nyob hauv cov neeg Lumad, uas yog cov neeg nyob hauv lub pov txwv Mindanao. Tej kev tsis sib haum xeeb no muaj los ntau tiam neeg lawm. Ua rau tsoom pej xeem yuav tsum tsiv teb tsaws chaw coob li ntawm 5,000 leej, thiab tseem muaj kev tshaj tawm tias cov neeg tawm tsam kev khawb qhov ntxhia raug tua tuag coob kawg.
